好少返大陸嘅我最近終於整咗回鄉証，怕舟車勞動、又食唔到辣嘢，究竟有咩地方啱我去呢？今集嚟個【深圳BB班】我哋星期日一早就出發去落馬洲口岸出發去玩之前當然要食下嘢先我哋喺附近商場見到有呢間食牛嘅🐮 入邊有得打邊爐，又有牛肉麵 麵係任食嘅，我哋都係叫小份，但份量都好唔錯 牛肉切得好簿身，牛丸整得唔錯👍🏻牛肉切得好簿身，牛丸整得唔錯 而呢個牛雜就包咗牛肚、牛筋、牛腩，比較煙韌不過兩碗麵食飽加埋大約都係 ¥50到去到一直行就見到呢間湯崎·湯泉生活(水立方)我哋就準備喺入邊玩大半日啦😍! 基本資料：湯崎·湯泉生活(水立方) - 水立方國際水療會地址：中國廣東省深圳市福田區港城華庭裙樓1-6樓營業時間：24小時一入到去見到大堂裝修得好靚 樓高五層，寫哂有咩嘢玩，我哋揀咗大約 ¥300嘅 可以小時浴票，浴票包咗一次 ¥500或以上嘅按摩（直接俾按摩價錢）不過係最後先俾錢嘅💸 入到去就可以換衫，我哋揀咗買一次性嘅浴衣，每件 ¥28換好衫，鎖好貴重物品就可以去攞水果同飲品 飲品都好多選擇～ 第一杯就免費嘅，不過多人嘅時候都等得幾耐 🍹叫咗一杯西䄂水果茶，味道酸酸甜甜好唔錯！叫咗一杯西䄂水果茶，味道酸酸甜甜好唔錯！ 之後就周圍參觀下有咩玩，二樓就仲有好多休憩空間，包括呢啲坐墊同佢地叫嘅「蟲洞」俾大家可以躺平同匿埋一整日 之後上到三樓就開始係消費區，一上去就見到有餐廳，同埋任食嘅 Haagen-Dazs 雪糕車🍦驚喜地都有幾多款口味選擇，而且都係啲好味嘅款😋 之後就有桌球(¥19/小時)、🏓乒乓球 (¥19/小時)房入面通常有個人服務生會幫手記低想玩嘅人不過一過咗中午都超級多人，所以就冇玩到啦～ 跟住就到另一個又係好受歡迎嘅地方，🕹️打機都係 ¥29/小時，Switch、PS5、XBox任揀，大家都見到幾咁人山人海，不過好快都會有位嘅 跟住就有呢個🎤唱吧 ¥69/小時，可以揀唱半小時先都得，欣賞呢度衛生做得唔錯！有得消毒耳機、咪，而且每一次唱完都會有工作人員入去執走垃圾 唱完K 就差唔多上去按摩，一上去四樓之後就燈光就暗啲，感覺隱私度高咗💆🏻♀️我哋每人都揀咗個 ¥500以上嘅按摩，接待員主要推薦最下面嘅中醫理療，佢地話係由中醫師主理，於是我哋就試下～ 整體個按摩都做得唔錯，而且另有一盞紅外線燈，照住肌肉較酸痛嘅位置按完摩係時候再補充下水份，於是我哋去咗攞免費椰青，呢個椰青雖然細細個，但椰青水的確好甜💗我飲多咗一個，而且椰青都真係大量供應，絕對唔需要預先排隊等，就算要排隊都好快有 打多陣機時間就差唔多～ 最後我哋兩個人埋單計返港幣 $650，包咗一次90分鐘按摩、消遣娛樂嘅費用其實仲有好多項目我哋都未玩，包括：焗桑拿、木涌浴等所以個人覺得如果只係為咗按摩以嚟嘅話價錢就唔值，入得嚟就會預咗逗留較長嘅時間，就性價比相對就會高啲～ 俾錢離開後我哋就去咗食晚餐去搵晚餐嘅時候我哋經過1368 文化街入到去好似去咗另一個世界咁～ 周圍都係唔同嘅餐廳，中式串燒、西餐廳、酒吧都有！ 我哋最後揀咗呢間煌記豬肚雞 基本資料：煌記豬肚雞地址：中國廣東省深圳市福田區水圍四街10號豬肚雞都分咗好多款，我哋揀咗竹笙豬肚雞，十分足料！豬肚同雞都十分新鮮💛 另外我哋都嗌咗兩隻生蠔，侍應仲要勁貼心幫我哋淥熟埋連汁醬幫我哋整好 最後仲有新鮮手切牛 ¥35真係十分超值✨牛肉薄切，大火淥幾秒就食得！呢餐埋單都每人都唔使$150😆食得算係健康又滿足💯 今集嘅深圳BB班就去到呢度！下次再去玩～💛鍾意嘅記得睇埋我嘅其他遊記：🇭🇰參觀大坑一級歷史建築虎豹別墅🇭🇰2024 葵廣掃街記錄🇫🇷羅浮宮攻略篇🇻🇳越南峴港三日月日式水療度假村
