適逢暑假,一家大細都會去玩,咁如果留港,又有咩選擇呢?今日同大家分享呢間近期至愛,住完都即刻想問下月租幾錢嘅酒店/ 服務式住宅!位於南昌嘅本舍就係今日嘅主角喺南昌地鐵站B 出口直行見到啦! 入到去成個感覺唔同咗 成個大堂都用咗啡木色,感覺唔會太冷,設計新穎、有格調之餘,都令人有家嘅感覺大堂亦有好多休息嘅地方 有間細酒吧,同埋最貼心嘅便利店,便利店擺賣住好多香港地道品牌,舖面唔大,但貨品都包羅萬有,又整潔,值得一讚! 上到去房間好舒服,設計加入咗橙色同深綠色,但整個感覺都好和諧,鍾意房間入面好多慳位而有聰明嘅設計,包括:可以拉出嚟睇嘅電視機,活動枱同埋櫃,有好多儲物空間,十分貼心,仲有一個小廚房,有焗爐、廚房鋅盤!超級喜歡~一禁個掣窗簾就向上升,見到個大敵海景! 上到去當然仲有個無邊際泳池同埋坐擁海景嘅健身房,真係冇得輸! 連住一個叫SOHO West 嘅商場,商場暫時仲係招店舖嘅階段,暫時唔係好多餐廳有開 不過除咗咖啡店之外,一間有喺商場入面嘅海間韓式餐廳就可以一試!基本資料:豪華海景套房 (Deluxe Harbour View Suite)一晚 $1065