由巴黎搭火車到里昂巴黎之旅就差唔多告一段落，之後我哋就搭OUIGO 火車去里昂，去到Paris Gare de Lyon 車站好大，亦要小心財物，人流較複雜，因為都較多乞衣同埋周圍搭訕嘅人🥶💡提提大家要提早到火車站💡我哋雖然已經早咗三十分鐘到，但入到去車廂行李位已經滿滿地所以如果有大型行李一定要早啲到，未開車之前都最好睇一睇行李揀較近擺行李嘅坐位亦都好重要！ 車廂整體都舒服，有得叉電，好快我哋就到咗里昂第一站： 金頭公園 (Parc de la Tete d'Or)搭火車嘅好處就係可以慳返啲時間，去到里昂都仲係下晝三點幾即刻去咗較北邊嘅金頭公園 金頭公園好大，仔細睇就會見到入邊就其實係動植物公園咁😆 不過同香港嗰個當然差好遠，天氣好，環境都好舒服 我哋傍晚接近六點幾先去睇到長頸鹿、羚羊返入去嘅一面🥳 仲有我第一次見嘅安哥拉牛 我見啲圖仲會可以睇獅子同豹不過我哋嗰日去就未有機會見到第二站：晚餐晚餐搵咗喺一間公園附近，係十分推薦嘅！回想起成個法國旅程都食唔少生蠔，呢個都算頭一名，又好味又唔算好貴絕對係性價比超高！首先嗌咗呢款蠔Huîtres de Paimpol Fine n°1 (x6) prix de l'excellence我地揀咗1號，成個手掌咁大都係18€/6隻，即係港紙$130 六隻！ 之後仲有一個海鮮 Risotto 大約 18-20€ 同埋 Linguine with cockles and clams 19€ 呢兩款就普通啲，但係海鮮都係新鮮嘅同老闆傾咗幾句，佢話佢係英國人，但自細就搬咗落法國住，之後就喺里昂開埋餐廳係好開心又豐富嘅一餐！埋單：65€ 餐廳店舖唔大，晏啲去已經好快滿哂，想食可以打去預約～ La Cabane à Huîtres地址：128 Rue Boileau, 69006 Lyon, France推薦度：⭐⭐⭐⭐
