🇫🇷巴黎雖然唔似英國咁，成日俾人叫做食物沙漠，但其實法國都好容易食到難食嘅嘢🤢今次我哋分兩集同大家睇吓我哋喺法國呢幾日食過啲咩啦🤣早餐喺法國酒店加少少錢就已經包個mini buffet 🥗🍅🧀🥓🥪包、芝士、腸仔就走唔甩不過通常晏咗起伸就冇而且又唔想咁悶成日喺酒店食就食過幾間出面餐廳嘅早餐1. Café Jules (推薦度: ⭐⭐⭐⭐)點擊圖片放大 呢間喺十三區餐廳好近地鐵站，環境舒服，最緊要有比較似樣嘅早餐😭 比較似樣就係有啲熱嘢食芝士奄列蛋係即叫即煮，仲有橙汁同咖啡☕️如果想食得地道啲都可以嗌呢個類似西多士嘅厚多士但其實係好甜同埋有啲滯 Café Jules地址：2 Rue Bobillot, 75013 Paris, 法國鄰近地鐵站：Place d'ItalieLes Tanneurs de la Butte (推薦度: ⭐⭐⭐) 另外我哋都食咗呢間係隨意喺附近搵嘅coffee shop 見到一朝就有好多本地人就知呢間好local早餐唔多選擇只有Bacon & Egg🥓🍳仲有好多法包🥖😂 我哋都叫咗個聽講嚟法國必食嘅Crêpe 嗯唔知係咪搽咗Nutella 所以又甜到漏🥲其他都正常嘅係我哋食慣港式早餐姐🤣Les Tanneurs de la Butte地址：22 Rue de la Butte aux Cailles, 75013 Paris💡揀餐廳貼士💡喺法國揀餐廳都要小心，因為隨時中伏😂有次因為本身揀嗰間餐廳太多人，所以諗住是但揀一間，還掂都係喺商場入邊，雖然睇落好多人，但真係會俾啲嘢食嚇親🙈以呢碟Tuna Steak 為例，佢第一次上係全熟😮第二次上啲肉見到係瘀粉紅色 💡貼士1 睇Google Map / Apple Map 搵餐廳💡 第一個關鍵就係要睇評分，雖然好似好簡單，但其實係超級重要❗評分至少要 4.0 分以上先好考慮💡貼士2 留意Reviews 數量💡雖然香港係會買Review，叫啲Foodie 寫好評，但我相信喺巴黎嘅餐廳Reviews 絕大部分係反應真實情況另一個可以衡量嘅嘢就係評價嘅數量，愈多好嘅評價就愈可信🌟💡貼士3 Download 法國版Openrice💡喺法國食嘢同香港一樣都有個類似OpenRice嘅App 叫The Fork 簡單做咗會員之後就可以預約，APP 入面揀返菜色，亦有評分可以參考有啲餐廳預約後甚至會有折扣或優惠✨ 揀返時間，或者揀地方，就可以搵到唔同嘅餐廳，十分方便👍🏻 不過我哋呢幾日都未有機會用到呢個App，因為行程實在太多變動，有時預約咗又未能及時趕到，所以我哋最後大多都係用Google Map 搜羅餐廳😝下回繼續分享我哋嘅法式午晚餐多謝收看💛最後放上一幅「喺奧賽博物館共感十足嘅近代畫」💛
