🚌交通 其中一件最緊要嘅事就係買交通工具票🚌嚟巴黎玩都會成日搭地鐵、巴士我地今次會買日票同週票各一去嘅時候都記得睇返時間因為週票係由星期一開始計，而我哋喺星期日已經到達週票只會剩返一日生效期，所以我哋嗰日會用日票星期一開始就用週票🎫由於巴黎準備舉辦奧運，所以週票或者其他票都有改動詳情我哋就每人56€ 到，買地鐵飛可以係app 度買或者去到機鐵櫃位買💸巴黎地鐵罰錢記💸重要❗️❗如果買週票，除咗出入卡之外仲會有一張身份卡，上面可以寫返名同埋貼相記得要做❗呢張❗❗ 因為如果有地鐵職員檢查而只得張週票飛係會罰錢我哋個日每人都俾咗50歐學費🥲即使我有買票嘅收據都冇用如果大家有去過歐洲都會知道罰起錢上嚟就真係要俾🥲地鐵安全守則聽聞或者上網都會知道巴黎嘅地鐵經常會發生失竊事件我哋呢五日喺巴黎全程都係搭交通工具，感覺都唔係特別安全但好彩都冇俾人偷嘢，亦都冇親眼見到有人偷嘢 唔想俾人偷嘢，就要提高警覺性🥸💡貼士1 企喺車廂較入嘅地方💡避免企係車嘅出口位置，一嚟都阻住人出入，二嚟好容易俾人撞，之後就俾人偷咗隨身物品 💡貼士2 侯車時企喺月台中間或靠牆企💡喺人多嘅車站等車都可以揀返近中間嘅位置企，附近都係本地人就會較安全💡 貼士3 問路即提高警覺💡雖然唔係話問路一定係呃人，我都有試過俾人問路，而我又真係咁岩去完嗰個地方答到佢，但記得要即刻先判斷嗰個人嘅真正動機，有奇怪地方就快啲走🏃💡 貼士4 搬大型行李最好搭巴士💡除咗接駁機場嘅地鐵有多啲扶手電梯之外，大部份嘅地鐵站都係要行樓梯，有時揀埋方向上上落落都唔少級數，搬運行李除咗攰之外，過程較容易跌嘢或者冇咁留意隨身物品，所以方便嘅就寧願揀搭一程巴士 💡 貼士5 裝備💡小偷只會取易不取難，出發前的準備功夫都唔少得，佢地只會揀容易嘅旅客入手，既然我都好難似本地人，咁我就唯有做一個困難嘅旅客🥸電話推薦大家一定要用電話繩綁住，長期掛住係頸，唔好直接擺喺褲袋 圖取自Topologie背囊或者隨身包要有拉鍊，如果好似我咁驚，可以考慮買防盜包，我用嘅牌子係Pacsafe，雖然係會貴啲，但佢地嘅袋由外到內都好實用同防盜，坦白講喺車站不時會有人打量我哋，但最後都冇靠近，所以大家有需要都記得提早買定入手👍🏻有需要大家都可以印定地圖，咁就唔怕成日要睇電話✨大家有需要可以用✨ 治安 + 揀酒店問題🏨另一個最令人擔心就係治安，有做資料搜查嘅朋友都會知道第10, 18, 19, 20區係比較危險嘅 因為同其他城市距離較近，所以我哋揀酒店都當然避開近北邊，除此之外有一啲區比較安全，但係同一時間酒店都好貴，所以我哋又揀唔落手，我地最後揀咗第13區，雖然遠離景點少少，但俾人感覺較靜，我哋就覺得相對安全，而且地鐵站出面都有好多餐廳，即使係入夜，仲會有好多人食緊嘢，條街都唔會冇人⭐揀酒店記得喺Google Map 度放個人仔喺條路度下睇吓酒店周圍嘅環境，我哋酒店鄰近一個細商場仔，入面有超市、Uniqulo，以個人經驗火車站或大站，即係有好多條線疊埋嘅站都較多奇怪嘅人，所以就要盡量避免嗰啲區域⭐今集冇太靚相，希望冇悶親大家多謝收看～💛最後寄埋明信片，禮成！下回繼續💛
