🇫🇷2024法國西班牙之旅出發啦🛫今次我地15日去兩個國家4個城市一於係度好好記錄下🔖✈️我哋今次會先搭Red eye flight 之後喺巴黎留五日四夜 所以一朝早七點就到咗CDG 機場啦😍但一到達入境都有長龍，主要係大家啲手腳都有啲慢😂攞埋行李接近朝早十點第一件事就係買交通工具票🚌遲啲同大家分享詳情🎫買完攞咗張類似八達通嘅嘢 今次我哋嘅酒店係第13區，巴黎酒店偏貴但又想住得安全所以係揀酒店上面都花咗啲心機遲啲喺治安交通篇同大家分享～放低行李就真正出發😍第1站- Pharmacie Monge Notre Dame 蒙日藥妝店首站係蒙日日妝估唔到一嚟到巴黎都係去購物😆今次呢間見有唔少人推介，又近地鐵站，星期日好多舖頭都唔開，一於去睇吓🙆🏻♀️ 一出Place Monge 地鐵站就會見到 入面都真係好多護膚品化妝品品牌La Roche Posay / Avène / Vichy / Clarins / Clinique / Kiehl's 都有不過其實計落又唔係平好多，睇返HKTV mall 有啲仲平過佢😂 我自己買咗兩樽Bioderma 落妝水，建議大家有需要買嘢先去入貨啦 資料：開放時間：星期一至六08:00-20:00，星期日休息地址：1 Pl. Monge, 75005 Paris (Metro- Place Monge)第2站- Marché Bastille 巴士底市集位於巴黎瑪黑區的巴士底市集係我哋第二個去嘅地方，一見到巴士底廣場再直行就係啦～市集比我想像中大而且包羅萬有，熟食、即食生蠔、蔬果店、凍肉芝士、手飾同家品店都有點擊圖片放大 +2 見到有好多本地人都會去嘅市集因為啱啱落機就唔算係好肚餓我哋叫咗雞髀 2-3€仲有士多啤梨，我哋其實都試食咗哈蜜瓜同西瓜都係超多汁同甜嘅😍有幾間係食即開生蠔，之後就可以配白酒食生蠔但我哋都驚會肚痛就冇食到啦溫馨提醒：人流較多，所以記得小心貴重物品詳情：開放時間：逢星期日0700-1430; 星期四0700-13:30地址： 2018 Bd Richard-Lenoir, 75011 Paris (Metro- Bastille)第3站- Musée du Louvre 羅浮宮終於到我最期待嘅羅浮宮羅浮宮一如我所料真係好大建議大家真係要搵定自己想睇嘅嘢再去行結果唔係就會好迷失🤣有興趣記得睇返我之前寫嘅羅浮宮攻略✨ 最驚喜係可以睇到1830年嘅自由引導人民，因為之前係話畫作正在保育當中 我哋最後用咗大約2.5 小時就行完羅浮宮除咗睇有名嘅藝術品之外，都十分推薦大家一定要去睇French Sculptors中庭再加上有自然光嘅折射好靚 溫馨提醒：記得預約，如果有Museum Pass 可免費預約當日去如果早到可以排條短啲嘅隊入場，不過應該都係視乎當日情況同安排，排隊有時都會有啲混亂第4站- Domaine National du Palais-Royal 巴黎皇家宮殿羅浮宮對出就有另一個打卡位巴黎皇家宮殿出邊有好多黑白色嘅圓柱櫈另外仲有傳說電影Inception 嘅拍攝場景～ 第5站- Le Bon Marché Rive Gauche 樂篷馬歇百貨公司最後決定去埋呢間聽講貴婦都會去嘅百貨公司，呢間除咗有好多國際品牌之外，亦有唔少喺法國嘅自家時裝品牌 喺商場三樓仲可以退稅～第一日嘅行程就去到呢度今日朝早落機嘅我哋已經攰到傻咗😆 下集繼續～
