上回提到羅浮宮的必睇展品，仲有限時攻略，咁就可以用最少嘅精力欣賞到最多最重要嘅藝術品😆今次我哋一於睇埋其他重點景點，再配搭埋地圖，咁就一目了然，計劃行程都方便好多🥳想睇返羅浮宮攻略 👈🏻1. 凡爾賽宮 (Château de Versailles) 圖取自官方Instagram世界文化遺產之一嘅凡爾賽宮都算係必去景點，幾個國王都曾大花金錢鑄造嘅皇宮，凡爾賽花園，仲有鏡廳、戰爭廊都係我比較有興趣嘅😍開放時間：09:00-17:30 (每週一休館)門票：分別有32€ 同21€ 嘅門票，感覺21€都夠用交通：最方便就係搭火車C線到最後一站 Versailles Château Rive Gauche 凡爾賽宮官網2. 凱旋門 相片取自Klook細細個就聽過呢個名，亦都有個好模糊嘅印象為慶祝拿破崙嘅勝利而建造的巴黎凱旋門一定要去睇下，不過至於會唔會上頂俯瞰下面的景色就到時再睇~開放時間：10:00-22:15門票：16€ (不包括導賞，包登上凱旋門頂瞭望台)交通：地鐵1、2 或6 號線到Charles de Gaulle-Etoile 方可到達凱旋門3. 艾菲爾鐵塔 相片取自Klook大家嚟到都一定日日都可能會幫佢影緊相嘅艾菲爾鐵塔上巴黎鐵塔嘅門票都有分幾種，有一啲係行上去 (一共 674級樓梯)，有一啲係搭𨋢門票：11,80€ (行樓梯至第2層); 18,80€ (搭𨋢至第2層); 22,40€(行樓梯至第2層; 再搭𨋢上頂); 29,40€ (搭𨋢至塔頂) 圖取自官網開放時間：0900-0000巴黎鐵塔一定要提前買定票，但天氣都好影響體驗，所以打算推遲少少先買同埋都預咗就算買咗票都要排隊等起碼大半小時先會入到去4. 巴黎歌劇院 相片取自Klook歌劇魅影音樂劇嘅重要場景，除咗參觀之外，有時間可能我都會想睇一場Show，最平15€ 山頂位都有交易，不過如果想睇熱門嘅舞台劇就真係要搶飛啦~交通：搭乘地鐵3、7或8線至Opera站官網5. 奧塞美術館 相片取自Kkday除咗羅浮宮之外，奧塞美術館都係我期待嘅館之一，米勒、梵谷、高更都係印象派藝術家的作品星期二至星期日 9:30 - 18:00 星期四 9:30 - 21:45 入場門票 General: €16 (網上購買) €14 (博物館購買)交通：RER C線至Musée d'Orsay站最近或12 線Solférino 站下車官網6. 塞納河船河 相片取自Kkday最後一個重點就係塞納河船河，船河都可以食午餐、晚餐或暫只係遊船河，到時如果嘢食好味再同大家分享～Kkday 塞納河遊船船票Kkday 塞納河遊船連晚餐總結六個景點嘅交通大圖： 希望以上資料大約都幫到大家~法國嘅行程大概去到呢度，仔細嘅部份留待去到再話俾大家聽💜
