嚟緊5月尾準備出發去法國🇫🇷同西班牙🇪🇸最近開始搜集資料，發現真係要好好準備下努力計劃之餘都係度記錄一下今日就嚟個【羅浮宮攻略篇】啦！羅浮宮 (羅浮博物館 - Louvre Museum)背景資料：羅浮宮建於12世紀末至13世紀初，係全球最大博物館之一，總面積大約有10個足球場咁大，曾經用作監獄到最後成為博物館想行程順利、唔會錯過重點的藝術項目，就要一早預先安排好行程✨記得要預訂好門票！希望呢個攻略幫到大家啦🤎入口首先就要搵個少人排隊嘅入口，喺羅浮博物館嘅官網會見到有四個入口，其中下圖圈住嘅就係兩個主入口，金字搭入口係最顯眼，但通常都好多人所以建議可以喺打星星⭐嘅Carrousel 門口入，係一個地下商場嘅入口，係室內排隊進入 原圖由官網提供必看展品羅浮宮嘅展品數以萬計，有邊啲係值得睇呢？邊個展區又必去呢？以下係我集合到嘅資訊1. 蒙娜麗莎 (Portrait de Lisa Gherardini) 圖取自官網必睇嘅首選我諗大家都會揀佢，由達文西所畫嘅呢位富商夫人，畫功同埋背後嘅神秘都令大家嚟朝聖💫地點： 德農館 (DENON）1樓 711大廳2. 薩莫色雷斯的勝利女神 (Victoire de Samothrace) 圖取自官網第二個必睇嘅我會揀勝利女神，代表在海戰中獲勝，象徵勝利與戰鬥，佢企喺樓梯嘅當眼處，就知道羅浮宮都十分珍重佢 地點： 德農館 (DENON）1樓 703大廳3. 米洛的維納斯 (Vénus de Milo) 圖取自官網之後吸引到我注意嘅就係佢，兩米高嘅維納斯係一位女神，聽講佢擁有住當時女性嘅完美身材，羅浮宮嘅維納斯斷臀， 缺陷美反而另呢維納斯更值得一睇👀地點：敘利館(Sully) 0樓 345大廳4. 迦拿的婚禮 (Les Noces de Cana) 圖取自官網聖經故事入面的婚禮，成6米乘10米，擁有最寬敞油畫之名，親身睇應該會覺得好壯觀😍地點：德農館 (DENON）1樓 711大廳5. 拿破崙加冕 (Sacre de l'empereur Napoléon) 圖取自官網如題，重返加冕嘅一刻，見證呢位法國著名改革家同埋法蘭西皇帝嘅誕生地點：德農館 (DENON）1樓 702大廳6. 美杜沙之笩 (Le Radeau de La Méduse) 圖取自官網1818-1819年嘅油畫，畫家描繪當時法國海軍的巡防艦「美杜莎號」沉沒之後生還者的求生場面，當時坐喺巡防艦嘅人喺海到逗留咗十幾日，最後只有十五人被救返。地點：敘利館 (Sully) 2樓 950大廳7. 阿波羅畫廊 (Galerie d'Apollon) 圖取自官網金碧輝煌嘅阿波羅畫廊都係我最鍾意嘅一環，感覺會似凡爾賽宮地點：德農館 (DENON）1樓 705大廳8. 赫克里斯 (Hercule combattant Acheloüs métamorphosé en serpent) 圖取自官網最後可以睇埋喺地牢嘅赫克里斯赫克里斯係一名大力士，相傳都殺死好多神奇嘅動物呢度紀錄咗佢同蛇戰鬥嘅情景地點： 黎塞留館(Richelieu) -1/-2 樓 105大廳就以上嘅必睇展品，整合咗以下地圖點擊圖片放大 🌟重點總結：如果時間有限，就可以將精力放喺一樓德農館🌟!除咗以上嘅展品，羅浮宮嘅官網都有齊哂其他展品嘅地方同圖片，有興趣想睇某些展品可以好似去圖書館咁先搵定展品擺放嘅地方，到時就唔會迷失在羅浮宮啦！藝術品搶先睇 (根據地點)：https://collections.louvre.fr/en/plan?niveau=1&num_salle=343013如果想速食一啲，都可以參考由羅浮宮官網提供的參觀路線總共有五條供大家參考：https://www.louvre.fr/en/explore/visitor-trails最後打卡位： 圖取自官網聽聞喺零樓404 大廳望返出去就會見到成個金字搭，有機會可以去打卡🤎羅浮宮開放時間：週二: 閉館週一三四六日: 0900-1800週五: 0900-2145後記：慶幸喺出發之前有時間親身搵下資料，如果唔係到時真係可能錯過咗啲自己想睇嘅展品😫希望大家都喜歡呢類型嘅實用分享，遲啲見🤎！
