呢集我哋會繼續光顧長洲各小店,有咩手信同埋購物消閑地方呢?本土商店:渡日書店第一間一定係座落喺小街嘅渡日書店,細細嘅書店收藏住各類型嘅書,由歷史政治到小說、教科書、二手書都有文青必到嘅地方!Facebook: https://www.facebook.com/today.bookstore.hk/IG: to_day_bookstore本土商店:足願平安JYPO 第二間好唔錯嘅就係足願平安,呢間舖頭入到去好似返咗屋企咁,店主Lama 著重顧客體驗,由蒸浴到嘗茶點到十分貼心仲有一隻好識做嘅狗狗小店長😝本來有少少驚狗嘅我都開心放低防備之心仲好乖咁企喺門口俾我哋影相Facebook: https://www.facebook.com/jypohk/IG: jypohk手信站:允升甜品 呢間咁經典嘅甜品舖仍然屹立不倒,一場嚟到緊係要食個芒果糯米糍,榴連都好味,可惜個日已經買晒啦唯有買多幾個芒果返屋企做手信啦! 手信站:康蘭餅店 康蘭餅店一睇就知係傳統餅店,必食有蛋撻、椰撻,每個都細細個,一啖食哂好滿足,每日1430-1700 供應,撞正出爐真係要快啲買返幾個因為再回頭就字必有啦!手信站:森·匠 Silva Artis上次喺長洲偶然發現呢間香港品牌森·匠,分店暫只有長洲一間,我同朋友一人一條買咗獅子山下運動快乾毛巾實物靚過相,質地都十分好 圖取自森匠官網今次就快快地介紹咗幾間長洲小店,下次應該可以衝出香港!因為我就嚟去旅行啦🥳🥳🥳