最近喺機緣巧合嘅情況下，有機會喺星期一去到長洲好耐冇去長洲，原來已經唔同咗好多，仲俾我搵到好多好地方一連兩集介紹下！餐廳推介：是蛋 第一間有驚喜嘅餐廳就係「是蛋」，不過呢間餐廳絕對唔係「是但」餐廳細細都收藏住幾道拿手菜式！ 首先嚟個招牌「土製炸蛋」果然名不虛傳，外表平凡， 但一切開入邊熱辣辣，香腸肉香唔會太鹹，推介！ 之後就係真·卡邦尼意粉，上菜後再人手加芝士，誠意滿分鍾意食卡邦尼意粉嘅一定要試吓💛💛餐廳推介：長洲鐵漢之後就到呢間長洲鐵漢，睇落就似串燒舖，但真係只此一間，因為有太多長洲特色 入到去都真係有啲鐵漢感覺，櫈係箱改裝而成，牆身都貼滿好多懷舊海報、名星相片 因為仲係下午茶時間，唔係叫咗好多樣嘢食，最推薦流沙奶皇脆脆平安包！年糕都好味！ 飲品推介：胖伴 食完嘢又到搵嘢飲嘅時間，呢一間開喺「是蛋」對面嘅係「胖伴」，亦都非常「打卡able」，推薦芋泥麻糬鮮奶！口感、甜度啱啱好！飲品推介：長洲角酪相信呢幅牆大家都應該唔陌生，冇錯啦，就係主打飲Yoghurt Drink 嘅長洲角酪難得星期一冇人一定要飲吓，叫咗一杯藍莓角酪～ 飲品推介：OXY Cheung Chau最後推薦埋呢間咖啡店植物主題嘅咖啡店，一入去已經聞到陣陣咖啡味即使係星期一都好多人都慕名而來，但因為已經好晏，所以我同朋友都冇買到咖啡，但買咗佢地嘅咖啡豆，有機會再分享💜 嚟到長洲除咗飲飲食食，仲有好多古老嘅歷史建築值得睇，長洲戲院就係其中一樣，最近長洲戲院重新開幕，變咗一個文化生活空間，今日有機會入去睇吓🤩 除咗有手信店、包山之外，仲有一個「1931 影棚」，可以俾遊客拍戲之用 入面有兩個非常迫真嘅場景，就係「唐伯虎點秋香」同埋「法庭」，睇吓大家想拍古裝定係現代劇，主辦方仲好好咁設計埋對白、有哂服裝、拍攝器材等，可以同班好友一齊體驗吓拍戲嘅感覺，玩完仲會有一條剪好嘅片俾返你，真係有心思！ 。 最後仲有一個製作平安包嘅地方，由短片介紹到製作，再攞埋去蒸。 每人整到四個，仲可以整得意造型！ 今次嘅記錄大約去到呢度，下集會提到長洲必買手信、購物好地方！快啲寫埋下集先，到時見💛
