剛過去嘅聖誕大家去咗邊度玩呢喺香港過聖誕節除咗去行聖誕市集,仲有咩選擇呢?又唔想同人迫、但又想經濟實惠又可以去邊呢?今次想同大家一齊紀錄2023年嘅聖誕!第一站:雅格酒店 (the Arca) Staycation11月尾準備book 酒店嗰時已經發現唔少酒店嘅價格上升咗好多今年想清靜啲所以揀咗香港南區,見到the Arca 評價唔錯於是就揀咗,Sea Signature King room 都只係$1500,聖誕節假嚟講性價比都算高去到好快就Check In咗啦! 鍾意 the Arca 嘅設計有佢自己一套風格,雖然話係酒店,但都有小小屋企嘅溫暖喺入面。 海景真係附合哂期望,仲好貼心咁配埋電動窗簾,真係唔洗落床都可以睇到日出日落! 廁所簡整潔新淨 喺 the Acra 嘅入住體驗唔錯,Check-in & out 都好快好順暢,房間舒服,隔音都做得唔錯,好少聽到走廊嘅聲音有機會一定會再嚟!第二站:Africa Coffee & Tea 必食非洲菜之前已有聽聞過南區有一間食非洲菜嘅餐廳,發現原來就喺係the Arca 對面,真係朝聖嘅好機會地址:黃竹坑香葉道41號15樓1501-1504室雖然好似喺係商業寫字樓入面,但一出𨋢好似去咗另一個地方咁未入門口已經感受到異國風情~ 走廊放咗好多同非洲有關嘅擺設,絕對有心思一入到去就見到大海景,有啲陽光射入嚟,好舒服 嘢食方面都唔會令人失望,叫咗煙三文魚卷+沙律仲有霹靂霹靂 (Peri-peri) 雞腿肉飯當然唔少得仲有非洲咖啡,樣樣都推介👍 第三站:新海怡廣場 隱世名牌 Outlets食飽就去行街,香港Outlets 第一時間就會諗起東涌,不過東涌人山人海有時都未必咁容易買到心頭好,原來南區都有個Outlets,就係喺新海怡廣場啦!喺出面睇落好似一楝舊舊地嘅商廈,原來內有乾坤! 一入到去見到有個大水牌,睇真啲原來有一啲係較高檔嘅牌子 28 樓有得食嘢,服飾主要係4/F, 18/F, 19/F, 25/F, 27/F 都有,唔想錯過就要睇真啲水牌啦! 入到去裡面就唔多影啦,除咗服飾,仲有好多傢俬舖頭,有待大家去尋寶啦! 28樓嘅Tree 傢俬舖 今次嘅記錄大約去到呢度,好開心今個聖誕滿足哂休閑、慢活、經濟嘅三個心願2024年開始咗三日,係度祝大家新年快樂!