嚟到第三日一早就去咗海灘玩 大約1點就準備上車去會安，會安都好近峴港，大約坐大半小時車就會到，所以好多人去峴港都會去埋會安，而我哋今次都會喺會安留大半日 經朋友推介，我哋參加咗個會安有機美食烹飪嘅小小旅行團，話咁快就到咗啦！ 集合哂團友，大約一行十人到就準備出發，首先會去街市買餸，我哋行咗幾間店舖，買咗了一陣烹飪班嘅材料，包括：香料、米粉、菠蘿等點擊圖片放大 買完哂啲餸之後就準備坐竹籃船， 中間有表演可以睇吓，不過音樂比較大聲，船家都好識做，知我哋怕曬就攞把遮俾我哋，仲主動幫我哋影相 玩咗大約半個鐘，有驚無險之後就上返岸，準備要整嘢食啦！ 一開始導遊會講解越南菜嘅傳統做法 大家都可以輪流試下，由舂米開始，之後磨米漿，再變成紙卷 之後就真係開始要開始煮啦！ 導遊專業示範之後就到我哋落手做，除咗牛骨湯係兩個人一煲之外，其他都要自己落手做，絕對冇得渣攤！整吓整吓，都整咗四樣嘢首先有米紙卷同Sizzling cake，由於太肚餓所以冇影到米紙卷，但係都整得好似架！😆 之後就有兩個主菜，牛肉湯河同埋沙律，碗河嘅湯都係自己煲，所以真係冇味精而唔食牛或者海鮮嘅人都提早同導遊講，到時會可以改豬肉食得！ 食吓煮吓，不經不覺就已經過咗幾個鐘，我地參加下畫班，由一點玩到六到，大家都由小小肚餓，最後食飽哂，晚餐都唔需要食😆 轉眼間已經入夜嚕，準備搭車去返今日下畫嘅集合地點 之後就係會安解散，我哋就去左古城到行吓，可能因為中秋節，附近就更加人山人海 不過就好有氣氛 今集就短短地去到呢度，如果大家都興趣了解多啲我哋參加既一日團，可以去呢度https://shorturl.at/qu128或者喺Klook 到搵會安市區探索 & 椰子籃船體驗（峴港出發）每位港紙 $3xx 到下回就係最後一集，準備要返香港啦💛💛多謝收看！💛💛
