繼上一回去咗三日月度假酒店今日我哋要去越南峴港嘅必去景點，巴拿山！巴拿山嘅門票喺唔同網站都可以預先訂購不過因為擔心天氣，所以我哋到步之後先決定邊日去好多酒店亦都有去巴拿山嘅入場票我哋咁啱經一個Grab 嘅司機購買就1,120,000 VND 一個人除返開港紙大約$374 一個人包埋buffet 另外租車來回收600,000 VND，即係港紙$200唔知算唔算抵🙈我哋前一晚同司機落實第二日就出發喇！個人覺得跟酒店去最好嘅地方就係穩陣，不過因為佢哋通常都會連埋附近嘅酒店一齊出發，所以集合時間一般都好早，通常早上7:30就要上車，大家自行考慮喇話咁快就已經到咗巴拿山山腳喺山腳已經見到隱隱約約嘅纜車 我哋搭咗架高爾夫球車去到起點 到咗大門口，之後就係買門票嘅地方俾大家參考吓價錢～ 沿途嘅景色都好靚！ 基本上入咗去之後就係一條路，跟住大隊行都唔需要睇地圖，準備搭纜車！纜車比我想像中寬敞，可以坐到八個人，通常都可能要同人搭夾一架 車廂入面都有地圖都可以攞，或者預早下載喺手機都一樣 https://live.staticflickr.com/65535/48037795483_418a1244f2_o.jpg如果想睇個隻手嘅橋就係Point 20，睇到其實佢係山中間，我係08 Suoi Mo 出發，搭咗一程纜車去到10 Ba Na，一程纜車搭咗二十分鐘到，畏高嘅我表示真係好驚 🙉🙉🙉 去到10 Ba Na 我地搭咗另一架類似山頂纜車嘅 去Point 13 之後真係終！於！到！啦！ 我哋大約十點到已經到咗，已經人山人海，不過都係靚嘅！好辛苦搵個冇人嘅位影相，之後就繼續周圍睇其實認真睇地圖嘅人就會發現要再上山先會有嘢睇，於是我哋喺橋逗留咗一陣，就由Point 19 Bordeaux 坐纜車去 Point 21 Louvre去到嗰邊就見到啲城堡、石雕等 司機提我哋話11:00 Buffet 就會開始，望吓錶已經11:30 於是我哋就向餐廳出發！ 嘩，自肋餐都分咗幾層，我地真係算早到，仲係好空，快手食啲嘢先 自助餐嚟講都算係一個Good Choice，加加埋埋我諗有40 款嘢食，印度、日式、中式、西式、海鮮樣樣都有係好豐富嘅！我呢度只喺影咗好少少少少少俾大家睇咋～嘢食整體都中上，而且Refill 得快，不過十分建議大家早食，因為一過12點半開始好多人到時食咩都要排隊拎嚕 食飽繼續出發，其實上山後都有好多唔同餐廳選擇，本來想玩高山過山車Alpine Coaster，但實在太多人 發現Fantasy Park，好奇入咗去，原來係一個幾層嘅室內遊樂場 大至跳樓機、過山洞射擊Game、小至籃球機、跳舞機都有所有遊戲都係任玩，一唔小心係度留耐咗 出面再行就係法國村，都係人山人海～ 打於影相後時間就差唔多，因為怕落山多人，我哋玩咗啲機動遊戲大約4點到準備落山，上山同落山嘅車可能有唔同我地落出嘅時候發現山頂纜車原來已經閂咗，於是搭兩程纜車落山嚕到此一遊！💛💛💛 落山後返返酒店附近六點幾，去咗行大商場同超市雖然叫做商場，但唔好咁高期望，因為感覺都好有年代感，一於入去睇吓！見到呢間有迴轉嘢食，原來喺迴轉一人邊爐，幾新奇有趣 入超市睇吓有冇好嘅手信先 見到啲壽司都幾平喎，不過個樣似麻麻地好食 最後晚餐食咗一間平民餐廳，叫咗枱枱都有叫嘅庶蝦同埋牛雜粉 多謝收看💛下回繼續💛
