一到步已經喺當地時間下畫五點，好快就返咗酒店休息，第二日一食完早餐就搭的士去三日月日式水療度假村！ 尚算不錯嘅酒店早餐 - G8 Luxury hotel and spa da nang搭咗30分的士到，終於到了！ 由於三日月日式水療度假村同市區距離較遠，所以我哋冇揀到住喺度，入場就要先買飛。 我哋四個大人平日去300,000VND，玩足一日除返都係$100一個人到，真係超值！下面有個Plan 係包Set Lunch / Dinner，睇落唔算吸引，而且入到去有Food Court / 小食店/ 餐廳，到時再揀嘢食都未遲不過如果想要其他服務，例如：按摩，當然就要再加錢而價錢都比出面貴 入到去有驚喜，佈置得真係幾靚！ 睇返大地圖地下主要喺水上樂園，有滑梯、人造浪、漂流，室內室外都有 ↓ 大型滑梯 ↓ 人造浪區 ↓ 室外設施，加加埋埋有成7-8條滑梯 周圍睇吓，玩吓原來已經過咗中午，喺時候又要食啲嘢！立即轉戰Food Court，平日嚟真係冇咩人呢😍 Food Court 加加埋埋都有三四間日式嘢可以揀天婦羅、拉麵、壽司、炸雞都有如果真係唔啱食，都有一間食西式嘅 我哋食咗拉麵240,000 VND，大幾70幾蚊港紙，比起入場費，食嘢算偏貴，味道不過不失，唔好要求要好正宗，食完飽就得啦！👍 食完繼續出發！ ↓ 2/F 有Game Zone 夾公仔機入面嘅公仔睇落都唔差 ↓ 3/F 喺小朋友放電區，我哋睇兩睇就走咗嚕 ↓ 4/F 又去返戲玉，有爸爸媽媽最期待嘅溫泉 想著和服嘅呢度都有得買或者租(？)上到去又真係幾靚有個大溫泉，呢個水唔算熱，大約30度到我自己就覺得麻麻地 ↓ 有得焗埋桑拿 上面嗰嗰溫泉麻麻地，但仲有一個溫泉喺男女分開嘅，浸嘅時候唔可以著住任何衣物，嗰嗰就似道地日式溫泉，不過就冇得影俾大家睇啦！↓ 通往男女分開嘅溫泉上面嗰嗰溫泉麻麻地，但仲有一個溫泉喺男女分開嘅，浸嘅時候唔可以著住任何衣物，嗰嗰就似道地日式溫泉，不過就冇得影俾大家睇啦↓ 通往男女分開嘅溫泉 總結：三日月日式水療度假村整體俾我嘅感覺唔錯，可能因為係平日，加上未放中秋假，所以真係少人，更衣室&廁所都乾淨，但嗰度只有沖身地方，因為喺係公眾地方，沖涼就難啲啦，想食嘢就要Top Up 落手帶度，都好方便，記得有淨錢要喺下畫六點前攞返出嚟就可以嚕如果一家大細去峴港想玩水上樂園，三日月都係個好地方！底玩！去完三日月，我哋又叫的士離開啦，準備出返市區，酒店附近食嘢！本身想去Trip Advisor 某間出名嘅海鮮餐廳，不過六點幾已通知太多人我地最後去咗呢間大牌檔，都幾多人 可能都算係旅遊區，佢地嘅餐牌原來都有中文/ 韓文 叫咗個炸豆腐、炒菜、生蠔、海鮮粥，炸豆腐、炒菜都好味，生蠔就細隻啲，醃料有啲多海鮮粥就麻麻地，好淡口，有啲章魚同埋三色豆(？） 仲有蟹，超多蟹肉，抵食！👍👍👍 總結：鍾意呢類型餐牌夠貼地，好多本地人都會幫襯，家庭形式經營，客人同伙記好似 Friend到朋友咁埋單都係$150-180到，超抵！⭐下回繼續！⭐
