雖然自問唔係好多心機打理皮膚，但都希望望落乾淨整潔，至少可以俾人一個好印象，只可惜天生係混合性皮膚，好容易出油、生暗瘡、膚色暗啞，感覺麻煩事特別多，唔知有冇人同我一樣呢？兜兜轉轉試過好多唔同產品，今日想推介下啱暗瘡混合性偏油皮膚用嘅面部產品&服務一次過有10 款，包括面膜、爽膚水，總有一款應該適合你！1. Kiehl's Ultra Facial Oil-free cleanser 【$205/ 150ml】護膚首要步驟都離唔開洗面，Kiehl's 嘅產品好多都針對暗瘡膚質，所以好多我都用過，最鍾意都係呢支洗面，佢都寫明係比油性肌膚嘅人使用，洗完之後感覺好清爽。定期保持清潔對於減少細菌滋生好緊要，做好清潔暗瘡自然都冇咁容易滋生。 2. Aesop B&Tea Balancing Toner 【$400/ 200ml】洗完面就要用爽膚水保濕，幾乎每個護膚品牌都有出自己嘅爽膚水，我個人最近比較鍾意用Aesop 嘅B&Tea Balancing Toner，成份包括綠茶、B5，除咗保濕，亦都有控油嘅作用，雖然價錢睇落較貴，不過都算耐用。 3. Lush 茶樹爽膚水 Tea Tree Water 【$240/ 250ml】喺未接觸Aesop 之前，我好多時都係用Lush 呢隻茶樹油爽膚水，以前一向都好鍾意用茶樹油嘅產品，所以呢個都係我嘅常回購系列之一，其實我覺得佢保濕程度一般，但勝在成份天然，又唔會對油性皮膚造成壞嘅影響。 4. VT CICA 積雪草抗痘修復面膜 【$73/ 10片】雖然話係混合性偏油，保濕都好重要，試過林林總總嘅面膜，中伏過唔少次之後，最近鍾意用呢一款，喺莎莎或者龍豐呢啲大藥房都會容易買到。有時最怕就係啲面膜太潤太立，好似蘆薈面膜咁，次次用完都會有反效果，所以鍾意呢款嘅原因好簡單，就係佢保濕得來唔會太潤，又冇咩香料味，亦唔會刺激到皮膚。 5. SkinTech® IPLase Mask 【$380/ 50ml】SkinTech 係一個西班牙專業醫學品牌，咁啱有一次喺美容舖頭同朋友買咗嚟試，效果又幾驚喜，今次介紹嘅 IPLase Mask係抗炎面膜，主要幫手修復，我朋友有濕疹問題厚敷都可以，佢係一隻Cream Mask ，我自己厚敷完就覺得面色好咗好多，有明顯保濕、退印功效，不過由於佢比較貴，我通常隔得耐啲先會用。 圖取自SkinTech® 官方網站6. Lush 藍莓面膜 【$170/ 75g】有一次集齊咗六個Lush 嘅黑色膠盒咁啱就換咗呢款面膜，之後就出奇地發現原來呢款面膜都好唔錯，藍莓面膜主要以保濕功效為主，面膜嘅質地唔滑，但用落都好舒服，除咗保濕之外，我都欣賞佢有提亮效果，當然Lush 出名用料天然，一定唔會刺激皮膚，唔錯唔錯！ 7. Kiehl's 白泥毛孔深層清潔面膜 【$335/ 125ml】勤力洗面、用爽膚水、搽cream、保濕精華，對一個混合性偏油膚質嘅人來講都一定未夠，尤其香港空氣污濁，好快塊面又積聚咗好多污糟嘢，所以一定要定時深層清潔。用過啲出名嘅深層清潔面膜，最後都係揀返Kiehl's 嘅皇牌，質地容易推開，鍾意佢一敷完已經睇到分別，會比較溫和咁將淺層嘅黑頭粉刺推出嚟。 8. Nexcare™荳痘隱形貼 呢個應該唔需要我多講，牌子來講，相比起曼秀雷敦，我個人比較鍾意用Nexcare，我覺得佢嘅暗瘡貼比較貼服、痴力較好，而且通常都做到效果。 圖取自Nexcare™ 官方網站9. 日本LION Pair Acne w Cream 藥用暗瘡膏 【$68/ 24g】我通常瞓覺先會貼暗瘡貼，平日日頭出街返工就會搽暗瘡膏，暗瘡膏嚟講我淨係用一個牌子，就係日本嘅獅王，以前成日喺IG shop搵到，不過依家就唔係成日見到，通常都要上網訂，呢隻暗瘡膏除咗可以令早期嘅暗瘡快啲成熟，對於傷口修復、淡印都好有幫助，出門口前搽一層簿嘅係有需要嘅地方到，得咗！ 10. Facial 推介 【~$600-$1200/ 一次】如果有時皮膚去到好糟糕，或者嗰排好大壓力，連自己都未必搞得掂嘅話就要去做facial，唔係淨係為咗靚而做，而係為咗深層嘅清潔同保養，好似車咁都要定期要維修清潔。喺香港做facial幾乎個個人都怕俾人hard sell，要開course買 package，問過好多朋友都冇咩好介紹，而我自己就好好彩地喺好耐之前搵到一間美容小店，雖然佢冇華麗嘅裝修，但勝在人手針清手勢好，又唔hard sell，幫襯6-7年嚟，我都只係買單次都冇俾佢鬧 (哈哈)，不過鋪頭位於元朗，對好多人包括我其實都好遠，所以我每次都要長途跋涉搭成個鐘頭巴士去，不過每次做完都有明顯效果就真係好開心，老闆娘同員工都好好人，好細心，而且佢地都只會介紹你合適嘅療程，絕對好過好多坊間嘅連鎖美容店，有需要大家可以去試下！【Turin Beauty 潔儀美容 】https://www.facebook.com/turinbeautymallyuenlongfanling?locale=zh_HKhttps://www.facebook.com/turinbeauty?locale=zh_HK
