玩咗ClassPass四年 最推介邊間fitness studio？當朋友問起我喺邊做運動，我通常都會話喺ClassPass，之後大家通常就會問即係咩😂，我會話：「ClassPass 就好似一個運動平台咁，你想邊日、幾點、喺邊度、做咩類型嘅運動，你都可以上去ClassPass 度搵，ClassPass 係扣Credit 嘅，最平嘅Plan 係288/20 Credit，而一堂平均會用最平6-8 Credit，有啲堂會要10+ Credit，視乎地區同埋堂嘅性質。」 最近發現用咗ClassPass 接近四年，都幫到我建立每星期運動2-3次嘅習慣，上咗接近200 堂，由九龍做到港島區，究竟有啲咩Studio 值得推介呢？PS - 所有圖取自ClassPass以下介紹純分享，運動成效因人而異1. Group Fitness : Feel Fit Factory 位於尖沙咀好德商業大廈嘅Feel Fit Fitness 喺其中一間想介紹嘅雖然看似喺一間泰泰拳中心，但其實都有Group Fitness 班鍾意呢度嘅組較少人，教練會細心留意到各人情況，並因應參加者調節難度我嘅運動生涯都係喺度開始，程度啱啱好，去完一次，下次絕對有動力再嚟！2. Barre : Barre Formula 第二間係都係位於尖沙咀嘅 Barre Formula，Barre 喺一種柔合Ballet + Yoga + Pilates 嘅運動，又練到Core，又要身體嘅柔軟度配合，適合想要線條嘅女士們，香港唔多Studio 有得練Barre，有一大部分只是跟住教練不停做，但姿勢其實唔正確，容易整親但Barre Formula 嘅導師好好，有耐性，而且環境舒服，地方乾淨，係做Barre 嘅好地方！3. Yoga：OMM studio 瑜珈Studio 喺香港愈開愈多，究竟邊間先適合新手？有啲瑜伽班係開俾advance 啲嘅 曾經試過去到先知原來要做後彎倒立等動作都幾尷尬位於尖沙咀嘅OMM Studio絕對適合瑜伽新手/或者有少許瑜伽經驗嘅人佢嘅幾款瑜伽我都試過，老師會仔細留意學員動作唔覺唔覺，但做完第二日起身就會發現原來都有效果！ 4. Yoga：Yoga light喺灣仔銅鑼灣區嘅Yoga Light 係我第二間會想推介嘅瑜伽Studio 老師熱心教學，通常都係印度人，更加着重身心靈配合，而且老師不時會問你覺得點樣，可唔可以加深動作等，如果做唔到老師都會立即調節，唔錯唔錯！ 5. Stretching：Abhyaas - School of yoga & wellness拉筋班會介紹喺銅鑼灣嘅Abhyaas都市人經常坐少做運動，筋骨都通常難免都有啲硬，上過唔少拉筋班都冇乜幫助，不過自己唯獨覺得Abhyaas 嘅Stretching class 幾好每次上堂拉之後第二日都覺得筯根鬆咗 6. Lagree Fitness：H-Kore最後想介紹一間特別啲，係做大型器械嘅H-Kore 全港有中環或者鰂魚涌兩間分店主要就係用Megaformer機，基本上可以訓練全身可以練身體嘅柔軟度、肌肉耐力、平衡力等每次做完基本上都爆汗，做嘅時候好辛苦，但係連續做咗兩三個月嘅我發現真係真係好似多咗啲肌肉推介俾想挑戰自己嘅你！ 後記：運動五花八門，鍾意做咩運動人人都有自己嘅諗法，臨告別Classpass 之前快快紀錄同shoutout 一下呢啲好地方Classpass 適合想培養做運動，或者試新運動嘅朋友誠意推介俾大家！https://classpass.com/
