大家都知本地商會,例如總商會、中出、香港中小型企業總商會等,都係親建制既,咁BNI係藍定黃呢?根據BNI官方講法,BNI嚴禁會員在會務中談論政治及宗教,包括會議、培訓、業務探訪咁,所以BNI係唔存在藍定黃呢樣野。不過現實又無咁完美。BNI嚴禁談論政治及宗教BNI香港3位重量級區域董事顧問中既羅志平 (Noel Lo),佢同時係民建聯既社區主任,多次參與區議會選舉(亦從未勝出),選舉期間獲得大量BNI會友支持。一般來講,如果BNI強調不談政治,咁羅志平亦應只可以在其中一邊位居高位,佢可以係議員但只係BNI普通會員,或者做BNI董事顧問但只做民建聯普通成員。而家又係BNI區域董事顧問又係民建聯社區主任,睇落就有衝突既。與此同時,如果普通BNI會員在社交網站表達親民主派既政見(俗稱黃絲),又會受到資深會員規勸,叫佢地唔好談論政治,做生意就做生意啦。究竟BNI香港係咪真係無政治立場呢? 無人知啦,你自己諗啦。