如果你唔想睇太多字,我可以好快答你:唔係,BNI唔係傳統既傳銷咁即係乜呀? 想知就繼續睇落去BNI全名係Business Network International,係世界上最大最成功既業務引薦組織,由美國既Dr Ivan Misner於1985年創立,至今(2023年尾)全球超過30萬會員同1萬個分會,遍佈超過70個國家。BNI於2006年由江岸綠及翁瑞青夫婦(Stanley & Stella,人稱「SS」)以特許經營方式引入香港,本地註冊公司為 BNI Association Limited。一般人可以加入BNI香港旗下既分會(Chapter),每個分會由20-200人不等組成,一個行業一個代表。一般會員並不會收到任何佣金,亦不會有任何屬於自己既下線。然而,一般會員經過一定既程序,可以成為BNI董事及大使(Director and Ambassador, DnA),協助管理一個或以上的分會,董事達到一定職級,就可以分到會費佣金,而且可以分成到下級既佣金。大約只有2%的BNI香港會員是董事。除此之外,BNI香港亦有好多同傳銷好類似既特質,以下係其中:偶像崇拜BNI每個分會每星期既會議都係提到創辦人Ivan Misner,而且氛圍都會將Misner神化,好多會員都以見到Misner真人甚至拎到簽名為榮。同時會員都會視SS為龍頭,以及其他董事顧問為大家長,凡係SS及董事顧問講的話,明不明白都會照單全收,簡單相信聽話跟住做,不會對其有任何質疑。集體主義每個BNI分會都有一個領導團隊(Leadership Team, LT),旗下又設有會員委員會(Membership Committee, MC Team),負責管理會員,儘量將團體放大,輕個人,分會內即使有異議,都最好減少其影響力,鼓吹正能量,減少不同聲音。年會與好多傳銷公司一樣,BNI每年都舉辦大大小小既國際或地區年會,皆時會員會聚守一堂,嘉許突出表現既地區、分會或個人。跑數及嘉許呢部份係相當有趣,上文已講到只有董事先有會費佣金分,咁係咪只有董事先要跑數呢? 不是! 其實大部份跑數工作係由一般會員負責,董事既工作係「激勵」會員跑數。會員既表現有五樣,包括出席會議(Attendance)、引薦生意(Referral)、接受培訓(Training)、業務探訪(121 Dance)及邀請嘉賓出席會議(Guest)。只有足夠的嘉賓出席,才能確保有一定嘉賓申請入會,繳交會費並成為新會員。一旦會員邀請既嘉賓成為新會員,咁呢位會員就會被封為「一星 Master Connector」,再有新會員加入就係「二星Master Connector」,如此類推,邀請到6個嘉賓入會,就會成為「金章會員」(Gold Club Member),有機會獲得上台被嘉許。但要留意,一般會員無論為分會帶來幾多新會員,會費都只係交給 BNI Association Limited,佣金亦只係會分俾該分會既合資格董事顧問。一般會員只會獲得所謂既嘉許。有部份分會都會送獎金俾呢類會員,以示嘉許,但BNI香港總部並無特別指示。講左咁耐,大家應該明白BNI香港並唔係傳銷,但有著傳銷既好多特質。BNI香港既商業模式,其實係同坊間一啲「人生課程」更相似。 絕大部份既學員(會員)去真誠咁「幫人」,再由極少數既公司拍檔(董事)去獲利。