黎緊vicky同elaine會做一個全新既series 主題就係makeup beginner 新手化妝 岩岩開始化妝既朋友對於化妝都有好多迷思 係黎緊呢幾次既blog posts 我地會盡可能解答大家經常會出現既問題！ 首先講下一般一個全妝既flow： 妝前保養 → 底妝 → 眼妝 → 輪廓修飾＋唇妝 係討論有關底妝既steps之前 我地要知道自己既skin type 以下就係一個簡單既皮膚測試 因應自己既皮膚類型 選擇適合既products 係化好一個底妝既開始 中性皮膚： 皮膚表面平滑，有彈性，有足夠油分和水份。厚薄適中，比較少瑕疵。 乾性皮膚：皮膚水份及油份不足，比較薄，微絲血管明顯，毛孔較幼細。 油性皮膚：皮膚油脂分泌旺盛，毛孔粗大，較多黑頭粉剌且皮膚較厚、粗糙。 混合性皮膚：T字部位毛孔粗大，而臉頰位置油脂分泌較少。T字部位皮膚明顯較粗糙、毛孔較粗大，且膚色不均。 **以上指標只供參考，每人既膚質亦會因轉季及身體狀況而異。 底妝 Q&A 下面落黎就係makeup beginner大家經常會遇到一系列既問題 今次就一次過解答大家啦！ Q1: Base, BB Cream, CC Cream, 濕粉 同粉底液有咩分別？ ans： 市面上既底妝產品愈來愈多花樣，依加甚至重有DD Cream 同VV cushion，啱啱開始接觸化妝品既人難免會混淆。首先由base講起啦: Base: 亦係隔離，主要用途係隔開皮膚同化妝品，減低化妝品對皮膚既傷害。通當都會係搽任何粉底之前搽。防曬霜亦可當作隔離霜使用。另外有d base亦有調色功能。 BB Cream: 大部份bb cream 都標榜一支有齊防曬、隔離、修護、調色、遮瑕等功效，一支就可以完成成個底妝，比較方便，亦係好多化妝新手既寵兒。不過佢既缺點係通當會比較厚重，而且比較容易變色。(呢個缺點因唔同產品而異) CC Cream: CC Cream質地比較透薄， 比BB Cream強調修護、保護皮膚，修正膚色不均。 不過同時遮瑕能力較低。 粉底液: 液體狀，初學者一般都會覺粉底液好難控制，比較控油，同時地亦比較貼合皮膚，使用起來比較透薄，通常會配合海綿或粉底掃上妝。 Q2: 碎粉同粉餅有咩用？有咩分別？ ans：兩者都係用黎定妝，分別在於碎粉會較為薄同幼身，而用粉餅就會提供多一層遮瑕度，亦可以當造粉底，坊間亦有一d標榜透明既setting powder，唔會加重妝感；換句話，如果你想妝容long-lasting，就需要用到碎粉或者粉餅。 Q3: 點解上完粉會有擦子膠碎? ans：最大既可能性係同妝前使用既skincare有關，特別係gel或者啫喱狀既產品係最容易引致擦子膠碎。 Q4: 毛孔粗大點樣可以上得好d？ ans：可以係搽粉底前搽一d有遮蓋毛孔功能既base。另外用平頭掃上粉底都可以更有效咁遮蓋毛孔。 Q5: 點樣揀色? ans：如果買既地方唔可以試上面，建議可以試係手背，然後再比對下巴至頸既位置，選取最接近既顏色。另外，如果本身膚色係比較偏黑，可以揀歐美牌子既底妝產品， 會比較容易見到接近既膚色，盡量avoid 韓國牌子，因為提供既顏色多數都會偏白 Q6：用咩上粉會無咁厚？ ans：如果想底妝貼薄最好既方法係用手指上，唔想妝感厚重，可以先上一層好薄既濕粉／bb cream，其他部份既暇疵用concealer重點遮蓋。 Q7：點解會浮粉？點樣先唔會浮粉？ ans：主要成因係皮膚本身太乾，令上粉後底妝唔貼面，更令皮膚更乾所以要釋放油分黎滋潤肌膚，咁既情況可能就要重新選擇保濕products，但如果油性肌朋友就要揀d清爽質地既產品；如果發現係粉底太乾唔岩自己，可以mix 1-2小滴精華使用。 Q8：點樣補妝？ ans：紙巾可以先用輕輕印走多餘既粉底，然後用粉餅輕輕壓係脫妝既地方，bb cushion等產品亦係補妝既好幫手! ＊部份圖片來自互聯網 希望大家鐘意呢個小分享啦! Mail: evilgalbeauty@gmail.com Instagram: evilgalbeauty
