相信好多人都用過Innisfree 既火山泥面膜。 我本身都用過佢既火山泥控油收毛孔面膜,詳細既review可以睇反之前既分享: 四款清潔面膜分享 (Inisfree, lush, o’slee, proactiv) https://blog.ulifestyle.com.hk/blogger/evilgal/2015/03/%E5%9B%9B%E6%AC%BE%E6%B8%85%E6%BD%94%E9%9D%A2%E8%86%9C%E5%88%86%E4%BA%AB-inisfree-lush-oslee-proactiv/ ---------------------------------------------------------------------------------------------------------- 近黎Innisfree 火山泥系列又出左新產品,包括 濟州島火山岩毛孔潔面泡沫、 濟州島火山岩泥潔淨泡沫面膜(基礎版)、超級火山岩泥潔淨泡沫面膜 (強力版)。 而今次我主要想分享既就係佢既超級火山岩泥潔淨泡沫面膜!(HKD $160/100ml) 呢一款係主要設計俾油性及有毛孔問題既人士用,乾性皮膚既朋友可以選擇用火山岩泥潔淨泡沫面膜(基礎版)。 因為依加係推廣期,所以我淨係買左一支泡沫面膜,Innisfree 重送左濟州島火山岩系列護膚品Sample同髮帶。 呢個髮帶重係專為推廣新推出既產品而設計,上面印左‘No Pores Impossible!’,主打零毛孔,幫你解決令人煩惱既毛孔問題。以贈品黎講佢既質量真心唔錯。大蝴蝶結設計好可愛,帶住佢洗面心情都好d,少女心反反哂黎! 講反呢支超級火山岩泥潔淨泡沫面膜,佢最大既賣點就係泡沫質地,不過我覺得擠出黎唔似泡沫,而係cream狀既mask。而且佢比起之前既火山泥面膜易推開!可以深入毛孔,吸走造成粉刺等皮膚問題既污垢。呢一支面膜含有6,020mg濟州火山泥,更特別加入左保濕成份,成份比舊版更親膚。 我每次通常敷5-10鐘就會洗走,不過可能因為佢清潔能力比較高,每次用完皮膚都會紅紅地,而且覺得有d乾,不過之後做反好保濕就會自然退紅。不得不贊既係佢清潔能力的確唔錯,敷完可以見到毛孔真係乾淨左,好多黑頭粉剌都浮左上面,清理起黎比較快同方便。 之前都提過,罐裝既火山泥面膜容易變乾,用到大概一半就會,減低左面膜既好推度。不過呢隻mask就無呢個問題,瓶身上有小蓋子,每次只要擠少少就可以搽哂成面,用完再用蓋子封住瓶口,令面膜可以一直保鮮,唔會咁易變乾。 不過都要提下,面膜本身都算易乾,所以最好就敷厚少少,防止佢乾得太快,反抽走皮膚既水份。 總括黎講我都幾個人幾滿意呢支超級火山岩泥潔淨泡沫面膜, 佢俾人既感覺係之前火山泥控油收毛孔面膜既升級版,有興趣既朋友不妨一試! 希望你地鐘意我地今次既分享啦!下次見! Email: evilgalbeauty@gmail.com