放假點會唔行街？行街點會唔買野？ 呢次我地出街又買左唔少beauty products同大家分享。 我地既第一站係Innisfree 咁啱嗰陣innisfree 做緊優惠，限量版買一個送一refill。所以我地每人都買左一set。 Innisfree Water Glow Cushion SPF50 PA+++ 21 Natural Beige $190（with refill） Elaine 本身係乾性肌 所以就揀左主力保濕既water glow 裡面含有100%濟洲綠茶保濕水 為全日的妝容補充水分 最初都怕呢類標榜水潤既face products對係香港潮濕既情況會太焗 但暫時試左幾日效果都冇呢個問題 反而持久度都比預期中好 詳細既review會等我地試多一段時間再話俾大家知 Innisfree Long Wear Cushion SPF50 PA+++ 21 Natural Beige $190 (with refill) 之前都講過。Vicky皮膚比較易出油，所以揀左比較控油既Long Wear Cushion 我起初唔太鐘意佢既香味 有少少似草藥味 不過用落習慣左就無咁在意 可以輕鬆打造霧面妝容 不過遮蓋瑕疵同毛孔既能力比較低 所以有暗瘡印同瑕疵既地方需要用遮瑕膏做反重點遮瑕 持久力一般 朝早8點左右化妝去到晏就兩三點都需要補下妝 總體黎講我對佢都算滿意 Innisfree Green tea mineral mist 50ml $45 一直都有聽身邊朋友推薦innisfree的綠茶系列 早前皮膚突然變乾處於敏感情況 就買左green tea line的噴霧試下 味道好清新 細細支放係袋度都方便 近年我地都好留意韓國既化妝品牌 特別係佢地既唇部products 由於同屬亞洲區 顏色的選擇上多數都比較適合亞洲女士的膚色同面部輪廓 VDL festival love mark Matte Intense #109 Seany $150 今次就揀左呢隻帶紅的bright pink 如果夏天想試啲鮮色但日常都carry到的唇膏 呢類色調就岩大家啦 formula好上色同唇膏原色幾乎一樣 滋潤度都okay 唇膏本身有一種淡淡的香味 不過香味呢樣就隨各人喜好 Jill Stuart Eau De Toilette Sweet Dreams 30ml $ 368 呢隻香水已經出左一般時間 如果話我係沖住佢既包裝去買都完全唔出奇！！ 瓶身上重鑲左7粒施華洛士奇水鑽 主要偏向花香味 唔會太濃 香味甜得黎又充滿女性魅力 相信黎緊一段時間我都會一直用佢 希望大家鐘意呢個分享啦! ^^ Mail: evilgalbeauty@gmail.com
