Vicky係單眼皮,所以一直非常羨慕天生就擁有雙眼皮既女仔。亦因為咁而不斷研究各種雙眼皮products, 呢次我地會分開兩篇介紹唔同類型既雙眼皮產品,以及單同內雙眼皮既化妝tips。 Koji Eye Talk 雙眼皮膠水 #Melody限定版 8ml $ 58 講起雙眼皮膠水就唔可以唔提 好多日本雜誌同model都推薦過 一開始係搽係乳白色,乾左之後就會變為透明 附送雙眼皮膠叉,都算幾易控制 初學者都可以 只可惜佢一碰到水就會失去痴力 留下白色既膠水痕 係夏天用會比較容易穿崩 不過總括黎講佢既持久度都ok 好多人都覺得雙眼皮膠水好難控制 其實只要掌握好呢d基本既用法 就算係初學者都好易上手 首先用佢附送既叉反覆壓係眼皮上面 搵出最理想既雙眼皮位置 然後係理想既雙眼皮線上塗上膠水 待乾後用膠叉壓在塗上膠水既地方 保持呢個狀態慢慢睜開眼睛 最後輕輕抽出膠叉 Tips: 如果想再持久d,可以係膠水乾後再係上面搽多一層(step 2) D.U.P Wonder Eyelid Tape Extra 120pcs $ 68 呢一款雙眼皮膠紙係我係咁多products裡面最鐘意既 佢係雙面設計,而且黏著力好強 可以維持成日,亦唔會點影響化妝 因為Vicky既眼皮又較厚 所以一般既雙眼皮膠紙(單面)無法承托到 D.U.P呢隻雙眼皮膠紙係雙面 夠承托力之餘 佢既size都啱啱好 所以痴左之後都好少會突出黎 Tips: 痴既時候輕輕提起眼皮,再用膠叉將雙眼皮貼往內推 雙眼皮膠紙就會完美咁嵌入眼皮內 效果會更加自然 Fear Eye Stickers #Single Strong Fiber (60+12pcs) $96 無痕雙眼皮纖維拉線-單線 呢一款係我用過既咁多款雙眼皮products之中最自然既 不過用起來卻比較麻煩 因為呢d纖維拉線比較幼身 好容易會失去痴力 無法反覆調整 所以我平均每次都要用4-5條先做到我想要既效果 加上我眼皮厚重 一條纖維條通常都味必可以支撐到 所以味別適合天生單眼皮同眼皮比較厚既sis Tips: 選擇比較鋒利既鉸剪,確保一次剪斷多餘既纖維 因為如果鉸剪唔夠利 開端/尾部位置就可能會唔整齊 痴唔實眼皮 暫時介紹住呢幾樣先啦,其餘既會係下一篇繼續!