好開心好開心好開心，重要事情要講三次～ 因為收到份好鐘意好想要嘅聖誕禮物！ 登登登！就係 Marshall Acton！！！ 前排裝修完間房，keep 住增添緊啲靚野裝飾間房，今次就收到呢份好大嘅禮物啦。 係 Amazon 買平過香港好多好多，香港買二千八，依家畀千幾蚊咋只係，所以要用轉插都冇所謂啦。 立即上圖： WOW 好大個盒 打開左邊有本設計好靚嘅說明書， 右邊係電源線，中間 S 型好靚嘅 3.5mm 線。 再拆有個質地好好摸嘅防塵袋包住部機。 超級期待啊！ 出黎啦！！！！好靚嘅金色加皮質，好好摸啊（心心眼） 左至右介紹返：3.5mm插孔、聲量、低音、高音、開關 其實說明書都唔駛睇，只要插線或者一開藍芽連接就ok。 畀埋個 Pat Pat 大家睇，電源插後面，唔太方便拍牆擺。 聲音好夠大，音質ok，若果你對於外型要求高過音質係可以接受，幾穩定幾平實，無太大突出嘅地方。 個人偏好人聲（用開B&O H6）或重bass，所以今次呢款Marshall Acton唔算好match我想要嘅，不過我係因為外型已揀嘅，我覺得都夠滿意～ 最後，多謝送畀我個個人啦，成日送我想要嘅野畀我^^
