10 月頭已經出咗部 iPhone 7 Plus，一直用住上台贈品嘅 mon 貼。 有圖你睇唔啱位之餘難貼，貼極都勁多泡勁浮邊。救命。 忍唔住終於去咗揀貼，揀咗塊店家介紹話新 brand 唔錯，個盒又幾型，但都要成三舊水！ 話明開箱緊喺自己拎返屋企貼～ Movfazz ROBUSTECH 3D全屏貼 iPhone 7+ (黑色) - $298 睇睇個盒，幾好啦，紙皮黎不過濕水就大鑊。 打開盒又估唔到咁細心，啲 design 喺用心，竟然全部有 logo，配件齊，唔係 hea 就咁掉哂入去。 教埋逐步逐步黎。 喺咁以睇睇張 mon 貼，望落好薄幾靚仔。 點擊圖片放大 開始！ 張濕紙巾唔夠濕，攤開得四點怪怪地，塊抺布就有少少甩毛，要不停痴多幾下，可改善，不過最重要喺塊 mon 貼，直入正題啦！ 點擊圖片放大 我就有自己痴開 mon 貼嘅習慣，唔算純熟，依塊算易痴，十分鐘左右痴好，期間有反覆搣出黎都冇問題喎～幾好幾好 點擊圖片放大 +2 痴完效果圖↓ 弧邊 ok ✓ 厚薄 ok ✓ 易貼，唔駛好需要推氣泡 ok ✓ 個 Home Button 唔會好深，好摸ok ✓ 所有開孔精準，使用時毫無影響 ok ✓ zoom out 睇感覺似冇貼嘅 ok ✓ 全面 cover 到冇縮邊 ok ✓ 摸上手又順滑，感覺良好 ok ✓ 用厚啲嘅 case 都冇問題，唔會頂 ok ✓ 左右兩邊闊咗少少，有啲入 mon，但唔算明顯～ 疏水疏油還好，都會有手指模同面油，可以再好少少，不過容易清潔～ $300 叫唔叫抵？見人見志啦，我覺得 ok 可接受亦可以再好少少，做齊普通全屏要做嘅咁囉。可以一試～
