前文提及在奈良小妹去左"春鹿釀造元" 因為要試清酒既關係,當然要墊一墊底先啦 廢事一陣醉到訓左0係人地間舖就唔好啦XD 話說去到福智院町巴士站,個肚空空地,咁岩巴士站附近既一個街口有一間家庭式既烏冬店,於是就衝左入去 入去先要脫鞋穿拖鞋 裝潢全是用木造 點擊圖片放大 原來烏冬都係親手做架>.< 幾用心 >< 登登登登~~~~ 烏冬黎啦~~ 烏冬質感同平時街食0個D係唔一樣,呢間烏冬質感較煙韌 同埋好滑,佢0個條既天婦羅真係好得,感覺唔油膩,好鬆脆,入面分開兩層,出面應該係竹輪,之後入面釀左墨魚,好食 誠意之作~~~~ 個玄關位仲貼左張關西名店烏冬地圖 (嘩!!!!咁樣唔會倒自己米?!!!! 可能佢對自己整既烏冬好有信心 !!!!又或者佢地想大家"些牙"下d心得 ) 烏冬店外貌 麺喰 ウドン アンド カフェ Udon and cafe 地址 : 奈良県奈良市福智院町1-1