小妹可能孤陋寡聞,但在日本遇到一件小妹覺得驚訝既事 話說 人有三急要去洗手間解決,”小號”時突然聽到清澈既流水聲,再看看廁所上有”音姬”既按鈕, 叮一聲~~~~~ 哦~~~~~~~原來係咁,我即時諗日本人真係想得週到 下圖有個音樂符號為 ”音姬”既按鈕, 音姬有時以感應式或按鈕式播放音樂 其實有流水聲既目的是遮蓋我們”大號” 和 “小號” 所發出來既聲音 講真,有時”大號” 和 “小號” 所發出來既聲比隔壁聽到真係幾令人尷尬同失禮,儘管你急到爆炸(尤其在OFFICE) ,你都要”慢慢” 地釋放出來,因為怕比人聽到 >.< 但有了”音姬”就唔同,就算有十萬隻大象萬馬奔騰想衝出黎都唔洗驚,因為有其他”天然聲”阻隔左”大象既腳步聲” XDXDXD 無駒無綀盡情地草原上奔跑 XD 真係好佩服日本人既創意能與生活上既細節息息相關 :)