每次出外Shopping, 通常抱住兩個心態 -每個地方認定今生只會去一次 - 行程不會走回頭路 所以見有”少許”心儀既東西,思緒亦開始紊亂,天使(不買)和惡魔(買)在內心裡不斷地掙扎 -“買正唔買好呢 ?” >.< 何為"買"是惡魔的化身? 例子如下: 1.明明對鞋係36,你穿開37,但個款幾靚仲要係Made in Japan/Korea,你會諗都係差少少,用鞋架撐大去應該ok ,走左就冇 -惡魔勝! 2.件衫同你平時個Style 完全唔同,但價錢平,走左唔買等如走寶,咪當轉個新形象 -惡魔勝! 3.網上 blogger 話呢隻Foundation好用,但剛好你用既色調賣晒,只有淺一度顏色有貨,你會覺得都係相差一度,如果真係唔岩咁咪mix 埋自己用開既Foundation用-惡魔勝! 4.地區限定版 – 就算不是自己的心頭好都會買住先,最多唔鐘意去Yahoo拍賣返出去,實有人要 -惡魔勝! 如事者,以上所有買回來的戰利品全部放在膠箱入面, 只會到換季時拿出來看看,但看上來已經過時,正所謂雞肋、雞肋、 食之無味,棄之可惜!未着過未用過掉左佢有點可惜, 但到三五七年後,你衣櫃開始沒有位置的時候,你開始將以前既戰利品陸陸續續分階段捐給慈善機構,而新一批既戰利品亦陸續放入膠箱裡, 等候發落 ………… XDXDXD