朋友說我不善理財，不善儲蓄，應買又唔買，唔應買又買 我說 : 我比以前慳左好多 !!! 友人 :係咩?! 我唔覺喎 ! 你咪又係慳d婆拿數，轉個頭又去買貴過你成份糧既美容Package 同機票 我再諗一諗，計一計: 慳左 (我認為) : 1.逢星期三 麵包有九折，先買返個長法包 歎下 2.逢 每月二、二十日吉之島會員九五折，我會等呢一日先入貨 3.以前餐餐早餐太興、大快活，而家有三四日買麵包，食麥皮 4.以前餐餐午餐出去食，而家一星期有三四日帶飯 5.沒必要亦不出街吃 6.衫亦買少左 7.唔買新式化妝品 我認為我慳左好多，攞少少出黎洗下都ok la, 因此，又挑起我個購物慾 XDXD 1.美容師說如果我做左個Laser,皮膚會好左，護膚品吸收得好d，到時唔洗買咁貴 既產品, 心想 :呢排慳左咁多，洗返少少都ok la 結果 -美容療程 -買左 2.嘩~ 開左間新餐廳，過百一個set ， 唔緊要，試下一次， 心想 :呢排慳左咁多，洗返少少都ok la 結果 –Lunch Set - 試左 3.嘩~ Fanfares 有平機票呀~~~~ d時間仲要係早機去晚機返 心想 :呢排慳左咁多，洗返少少都ok la 結果 –機票- 買左 4.嘩~ 呢間溫泉酒店好得呀~~~冇理由唔浸下溫泉歎和式料理 心想 :呢排慳左咁多，洗返少少都ok la 結果 –溫泉酒店- 訂左 . . . . . . . 就係咁，慳得0個一百幾十，但洗多左一萬幾千(可能唔止 .T.T) 真係慳字都係得個貧 唉 ~~~~~ 忠告: 慳就要慳，以免弄巧反拙
