係尖沙咀睇戲見到有間小店叫兩草,個名幾特別,草係廣東話亦解作10元,兩草即二十元。 店主是馬來華僑,店名兩草之意,應想打造一間價錢親民的食店,不少食物廿幾蚊就有交易,幾抵食。 食店裝修風格幾有特色,有點似以前的大排檔格局,非常懷舊, 食物亦充滿本土香港特色,全店不收加一。 點擊圖片放大 +2 香煎脆蛋肉餅飯 $42 招牌肉餅飯半肥瘦比例薄薄一片,肉餅煎得外層香脆,口感綿軟, 配著即煎脆邊流心荷包蛋,添上蔥花、甜豉油,「送飯」一流。 蛋炒豬腸粉 $27 豬腸粉有米香、軟軟彈彈,幾乎每條腸粉都包有蛋漿,炒得有鑊氣。 小籠包胡椒湯 $40 輕輕一咬小籠包隨即爆出鮮甜湯汁,辛香胡椒湯底驅寒暖身。 滑蛋叉燒飯 $40 蜜汁叉燒肥瘦度適中,肉質細緻鬆軟, 炒蛋火喉控制得剛好,不會煮得過熟,充滿濃郁蛋香和蛋汁。 咖央多士 $25 趁烘烤多士熱辣辣時橫切開二,再塗上牛油及以蛋、奶、糖自家熬煮的咖央醬, 入口先散發牛油香,再有椰香慢慢滲出,吃出南洋風味。 樽仔奶茶 $25 奶茶是正宗港式凍奶茶,茶味香濃,入口細滑。 兩草 尖沙咀棉登徑7號地舖 FB: https://www.facebook.com/eunicepppIG: https://www.instagram.com/4eunicep/