大圍小食是一間開業超過25年的經典老店，相信住新界的朋友無人不識，大圍站對出的大圍小食，任何時間門口都經常圍著一堆學生和大人朋友買小食， 小食款式超級豐富，甚至一些失傳的香港地道小食，這裡仍然有得賣，價錢親民，性價比高，掃街一流。 臭豆腐$16在香港要找到好吃的臭豆腐不容易，臭豆腐是一種發酵製品，把原本無味的豆腐自然發酵，油炸成金黃色後，集酥脆及綿滑於一身，這間小食店的臭豆腐非常大件，好飽肚。 煎釀三寶$20五件煎釀三寶向來是熱門街頭小食，除款式多，另一賣點就係可以任揀心頭好，有茄子、青椒、豆腐、炸餃子，炸雲吞皮等，仲有西蘭花、紅腸可揀，魚肉釀得夠深，質地彈牙，見不少人買一大盒回家做餸。 滷水雞髀$25 原隻雞脾夠大隻啖啖肉，肉汁豐富。 陳皮魚蛋/燒賣$12十粒 魚蛋有甘香陳皮味，粒粒爽口彈牙，魚肉燒賣不會蒸得過腍，豉油鹹甜味道剛剛好。 椒鹽炸燒賣$14一串 炸燒賣外皮香脆，內裡Q彈有咬口。 烤沙嗲串燒豬頸肉/雞肉$16一串 串燒燒至表面帶焦香而肉質入味不鞋口，沾上特製沙嗲醬和蜜糖，香口惹味。 串燒調味可選孜然、咖喱、七味、香茅、黃姜、辣椒、黑椒粉等。 大圍小食大圍富嘉花園22號地舖FB: https://www.facebook.com/eunicepppIG: https://www.instagram.com/4eunicep/
