05/11/2013 終於黎到<三張遊>既最後一日 為左要一試係泰國人口中都好高評既按摩中心 決定將原本上半日既行程取消 水上市場??...我地D腳毛都係下次先留比你啦 諗住係酒店餐廳是但叫件三文治當早餐就算啦 但點知又好好味果喎 之後就行去同酒店相距大約8分鐘路程既 Health Land - Sathorn Branch http://www.healthlandspa.com/home.html 單是外觀已經感覺好好 一樣都係有中文Menu , um..應該都是強國人既功勞 內部環境亦都好舒服 我地既技師 #464 & #154 摩後感 : 比夠 10分 (5分為滿分) 真係好掂檔啊 , 環境靚 , 仲又平又舒服 2Hrs.既泰按只需 500THB/位 (即係港紙$125左右) 今次仲比左100/THB Tips 呢度一定會再黎 , 物超所值 , 讚讚讚 !! 之後番酒店沖多個靚涼先check out 走人(13:00) 今次呢個旅程我地亦好多謝酒店前台既Mr. Big 佢服務好好, 仲好細心 , 同佢傾計幾窩心 臨走前本來想同佢影相留念 , 可惜佢要趕住去開會啦 都未試過因為比唔到TIPS而覺得可惜果囉 係酒店直接叫的士去DMK - 約 330/THB 不過去到機場先知班機改左時間 好彩係改遲 , 唔係改早 (BTW , AA有通知的 , 係我自己冇睇姐) 雖然 DMK 比 BKK 細 , 但其實都嘥得下時間架 該有既都有 , eg : 麥當當/ Fuji / Boots...etc 而我地就揀左係麥當勞旁邊既餐廳食野 食完慢慢行, 都行到個零鐘 而呢度既boots亦比其他店齊貨 所以又再兌多左幾百數買野...hehehe 有人仲痴線到買左 3包 藍象泰國米 lol =.= 16:45上得機番黎啦 BYE BYE BANG KOK << WELCOME BACK TO WORK >> DAY 4 完 < TRIP 後感 > 黎過先明白點解屋企人可以去完又去 , 去完又去 , 之後都仲係去完再去 以前我最愛既國家係台灣 而家N年退休後會多左個選擇 :) 泰國, 果然係個快樂指數好高既地方 更加要多謝AIRASIA呢種廉航既出現 令到更多人都飛得起