84KG 終身革命 減肥是女人的終身事業，減低食量，食藥，食代餐，做運動，我全部都做過，但整合咁多樣方法，最重要都係自己既心境。 我承認自己係果種無恒心的人，無論用咩方法減肥，一有少少成績就會自我放縱，有一種（都忍左一排口，簡吾時都要放輕鬆下) 結果咪又衰左！■ 但是，我找到方法了！就是利用自己舒服的生活節奏，而又健康的方法減肥！ 中學，我大概65kg ，重讀中五的學校因附近就是小食店，放學食格仔餅，雞旦仔，印尼撈麵，，，不出4个月已暴漲到70kg! 自知自己肥左，但無諗過出黎既數字係咁恐怖。自細對跑步零興趣既人，採取了節食作為減磅方法。 每日早餐食一個蒸包，lunch 食白粥(有時加一包榨菜)，晚上食白粥，或蘋果。就係咁大概1個月，由70瘦到64kg ，雖然瘦得好快，但成但人真係完全無力，好易攰同一坐低就會眼訓。減到64當然就會追求更瘦！ 我便用了傳說中的蘋果減肥法，每日只食蘋果，加飲水。3日我便瘦到61kg , 心情當然好興奮。但我係好為食既人，同鐘意係辣！心絲絲買左碗酸辣粉做lunch ，食果下真係有重解脫既感覺。 食完不出半小時，我既胃出現劇痛，果重痛真係入心入肺！成個人痛到完全企吾直，持續2小時！由於之前減肥食得太清，一食哩啲刺激食物，立即頂吾順。咁好算喇，最多咪吾食，繼續我既減肥蘋果餐。但所謂既平台期出現了，我無論食幾少都再不瘦下去，但其實我用2個月減左9kg我亦覺得可以小休息，食反少少野先再減。 無奈地當我想食回正常餐，是咖哩，黑椒，辣，這些濃味，刺激的食物，食完後我便會肚痛，同肚痾！ 食完飯就要搵定廁所，簡單來說，腸胃被我搞壞左。 我放棄了這個方法！ 是日晚餐
