:-P 中學除左學業成績重要，社交圈子亦係非常影響中學生活，個人性格。埋堆，絕對不等於小圈子！中一既時候，記得我和同班9個女生玩得特別埋， 當然離不開小息，放飯都成班女仔痴埋一齊，甚至放學會去大家既屋企Hea~ 但係中一過左差不多一個學期，成班女仔吾再主動係埋一齊玩，大概係因為大家相處得耐左，性格上的分別愈來愈明顯，所以合則來，不合即散！ 絕無吵架，排斥成份。 4名女子Left。女人好似無論咩年紀，都要搞小圈子。無論咩圈子點都會個"好似"Leader的人， 當哩個所謂Leader 對其中一個人有任何意見，無論咩事！ 小事至可能係佢行路姿勢，對反學鞋好樣衰等，都有能力講到自己好有睇法，好似好岩，令成班人排斥*受害者* 。 我和這所謂的Leader特別要好，大概是因為我和她因為大家家庭的缺陷，一齊擁有共同信仰，一齊返同一間教會。由星期一至日都見到面，不久之後，再拉埋多另一個好朋友一齊反(有一位本身由小到大都有反教會，所以吾拉佢反同一間)，但哩位leader 不知由咩時候開始對我有一些意見，開始的時候我也是以為是出於好朋友的提醒。 1.衣著打扮 當時，興窄腳低檔牛仔褲，加電負離子，單親家庭的我一向少同媽咪行街(忙於工作)，吾會花費於打扮，多數於樓下商場，或bossnx買。加上自己已經係60kg 肥妹，已經吾會係旺中買到岩著既衫。曾試因出街著的衣服不好看，而我又傻更更為左迎合佢，係旺中好平咁買左件又逼又mk的T Shirt 書包不是有牌子。 我只得一對波鞋，所以任何衫都襯哩對。 2.身型 由於細個我媽咪十分喜歡買木瓜，我亦十分喜歡食，所以中一的時候已有D cup， 對於買"bar bar"，只有大媽款及吾同深淺度的肉色。身型對比同年齡的朋友十分突出，經常比人笑。 3.言談/動作 記得這位leader 曾特意寫信給我，話我上圍咁大行路動作可吾可以減低手的擺動幅度。 吾好成日撘嗲 (幾個朋友一齊傾緊計中，咁都叫答嗲) 當時興寫xanga ,她就評論你使用的字句。PK 我用於來形容一間知名超市，因為也這樣用，所以批評我使用同一字句。 自拍照片，因我比較自卑，亦覺得自己不漂亮，所以中學時很少照片，但點都有1.2張既，每次更換時她很快便看到，直接語言攻擊，並要求我更換，我當時相信他的品味，又影了許多為了迎合她要求。 最令我受傷害，係每次反完教會，團契，我地3個都會上該leader的家小聚，hea下咁，但係排斥我果排，上她的家便會變成批評大會，直接話我哩幾日我做左啲咩，有咩令她睇唔過眼 (事實當然係佢不爽你，你做嘜7佢都吾順眼)，每次我都喊，但她繼續講，另外一個朋友大概被動主場之利的氣勢壓住，從不作聲。 所以，我每個禮拜都受著她的欺凌，我逢到星期六日也感到壓力十分大。有一天，我被她所謂的說教打通了任篤二脈，不再想再為她而活，我想通了真正的朋友不需要為了討好對方，最重要，是我不需要一個會傷害我的朋友。我離開了小圈子。 我明白朋友，是互相幫助，而不是說一些會傷害對方的話。小圈子我真的很害怕。另外2位朋友，我沒有利用任何方法試圖要他們繼續和我一起，掉轉頭說她的不是，因為我不想與她一樣。 我寧願自己一個人小息，吃午飯，放學。 成件事輕鬆多了，亦不哭了。很多事想通了。 朋友，當然要有，但是我不再需要為了討好你，而獲得這些虛假的友誼，此外，我從此對別人都很包容，我明白每個人都有不同的性格，背景，只要別人對我有善，我不抗拒與任何人交朋友，亦嘗試企別人的角度諗下野。 先講一講，果2位朋友依家是我最好朋友之一，非常感激她們！ 遲少少再交代 慢慢現在好似個交際花，去到新環境都可以同人地傾計，做左個有自信既肥婆。有自信，成個人真係會變靚！
