其實去旅行住民宿真係一件再普通不過既事，之但係若然你吾係喺嗰度只住3,5,7日嘅話，一定會有發現新大陸般既體驗。咁究竟係咩呢？版主以往一向對韓國既民宿都讚口不絶，民宿主人或職員多數熱情好客又樂於助人，房間雖簡陋甚至有D仲細過劏房但至少乾淨企理，即使可能你book既係6人或者8人Dorm 淨係沖涼訓覺同平常hea一陣絶對性價比超高。 如是者，版主喺初期居韓期間就選擇左喺民宿落腳再作打算，黎生活吾同旅行，吾會日日出去行街，喺民宿見到d職員打掃，原來牀單同被套多數係吾換，只換牀單上嗰塊床墊同枕頭套，如果嗰張牀只喺有人訓左一，兩晚嘅話連床墊都係吾會換...只換枕套。上手留低喺牀既頭髮呀d皮屑呀或者總知係吾需要用清洗既方式先可以去除既污糟，一概用嗰種除毛貼紙轆轆清理並噴上香劑，所謂執房咁就大功告成㗎喇！版主都有擔心過自己張牀上手會係咩人，但觀乎兩個月依黎，租客多數揀下格牀訓(版主訓上格碌架牀)，所以自我感覺上良好少少。。 冇錯，所有野都係眼不見為淨，之但係咁，版主親睹咁多手租客，有d晚晚都吾沖涼就訓覺，有d又狗屎垃圾都放上牀吾執(例如 包完雲呑既紙巾)，或者有d人嫌熱(韓國人吾興開冷氣)會攞走張牀墊直接訓牀褥，咁你話吾換牀單依件事係咪好O咀？而以我所知，用依種做法既民宿亦都多的是。咁又係，如果今時今日去酒店住都係換來客用毛巾抺廁所，民宿依d又算得係咩。。 另外就係(利申 本身好鐘意外國人 絕對冇歧視心態) 外國人十個有八個都絕少沖涼 就算日頭出哂汗，夜晚依然吾認為訓覺前要沖涼洗頭，直至有日醒覺要沖涼(阿彌陀佛)已經係幾日後。。但喺依幾日裡面，同房既人要忍受佢發出嘅體臭，頭油味等，可能版主又警犬上身啩，有次真係比個人臭醒左，之後同民宿主人投訴，雖然有多左清潔間房，但始終係個人問題，發臭起上黎唯有噴自己d香水鎮靜下。而且好遺憾既係所有有體味既人係吾知/吾覺得自己有異味。除此以外，喺度嘅西方國家男住客總係會好把握機會識女住客，開左個話題之後就好快明示暗示自己希望有牀技交流既機會(綜合左幾位女住客既經驗)又或者係版主少見多怪，外國人不嬲開放見稱，何足以O咀。 喺度如果咁啱遇到同你一樣要住上一，兩個月既租客會以為你同佢已經係朋友，有野都問你，譬如依道點去嗰度點去當你係google map，會成日問你借依樣借嗰樣，借梳呀(好彩我吾用)借香水呀(好彩有d細細支tester，吾會太心痛))借野食呀(因為三更半夜肚餓又知道我有存貨)其實食吾緊要，主要係通常吾會記住買返比你，然後到自己餓又冇野食，仲要佢地一般都係等你開到口追(大佬我冇話請你食)，check out嗰日先買返嗰樣野比你或者比現金你然後話自己吾夠時間去買順手say 個sorry就走人。。 最後一樣野就係，住得喺度要互相遷就是常識，譬如d同房夜返，飲醉酒，或者喺牀但吾係訓覺etc，咁喺你睡夢中就會有沖涼水聲，吹頭風筒聲，醉左發酒癲聲，睇video間中發出既笑聲或者傾電話聲etc。只能同自己講一句：係咁㗎喇！不過咁，都有好人既，版主喺民宿大家庭結交左吾少五湖四海，可以做朋友嘅人，亦都體驗左以前旅行時因為行色匆匆而錯過左既人同事。由於之後搬走所以依個'我不知道的'體驗都告一段落。上文亦只代表本人立場，希望吾會為其他人帶黎不安啦~
