為咗慶祝情人節❤️特登book埋Holiday Inn 入面嘅Osteria 意大利餐廳享用雙人晚餐😍😍仲叫埋情人節限定嘅浪漫冰玫瑰做甜點添呢個情人節套餐有鵝肝凍批蘋果沙律伴陳醋做前菜，好精緻，鵝肝凍批，每一啖都充滿濃烈鵝肝味，鵝肝❤️愛好者必食，而湯係南瓜湯伴炒雜菌同黑松露，材料十足，味道濃郁，不錯不錯🙆🏻♀️而主菜有4️⃣款選擇，分別有龍蝦肉青豆干邑汁墨魚汁扁麵，焗銀鱈魚伴脆豬腮肉及甘筍洋蔥汁，鵝肝暮絲釀雞卷伴黑松露及蘑菇，鵝肝凍批無花果合桃薄餅，我哋就叫咗龍蝦肉青豆干邑汁墨魚汁扁麵同焗銀鱈魚伴脆豬腮肉及甘筍洋蔥汁😍😍💕龍蝦肉青豆干邑汁墨魚汁扁麵，龍蝦肉好爽口，配埋墨魚汁扁麵一齊食，口感一流，☺️推介推介💕焗銀鱈魚伴脆豬腮肉及甘筍洋蔥汁，同樣出色，銀鱈魚大大舊，肉質鮮嫩，豐富，脆豬腮肉好鬆脆💕壓軸就係呢個冰凍玫瑰朱古力士多啤梨暮絲，兩個心心❤️❤️ 朱古力士多啤梨暮絲，已經好靚🙆🏻♀️然後店員會提供手套，然後手拎冰凍玫瑰🌹我就拍手👏🏻將冰凍玫瑰散落喺個朱古力士多啤梨暮絲上面，好靚好特別，打卡一流，味道仲好好食🙆🏻♀️為我哋呢晚畫上完句號💕食後感:環境寬敞，服務態度好好，會不時過嚟問我哋味道如何，同refill 水🙆🏻♀️ 食物質素都幾好，值得一試☺️點擊圖片放大 +14
