對於住喺九龍嘅儍媽嚟講屯門真係有啲遠但係為咗呢杯靚靚拉花咖啡＋藍帶師傅製作嘅糕餅終於到訪咗呢間 bookmark 好耐嘅 Bougel Café ~~好彩一程巴士直接去到愛定商場都幾方便 除咗遠啲，Cafe 嘅食物、環境、氛圍和服務都幾好有時間會再嚟飲杯野食個包 ~~ 位於安定邨嘅小小 Café 走法式溫馨風格主打由藍帶師傅製作嘅新鮮出爐麵包和糕餅 一入去就睇到個放滿各式麵包和糕餅嘅麵包櫃有多種口味牛角酥、鬆餅、scone、bagel ...我嘅選擇困難症又發作 ... 3PM 嚟到 ...除咗有蛋糕／意粉配飲品嘅下午茶餐仲有麵包配飲品嘅堂食麵包套餐點擊圖片放大 儍媽點了份 ● 堂食麵包套餐Ｂ (HK$43)可以揀一個 HK$25 以下麵包糕餅＋美式咖啡／檸檬茶／奶茶／紅茶 揀了個。焦糖麻糬 scone烘熱才上枱，外脆內軟嘅原味 scone 中間夾著煙靭麻糬加上面層燒過嘅焦糖，入口帶點焦糖香 另外單點 ● 藍莓鬆餅 (HK$25)鬆餅都幾大個，也都係烘熱才上枱裡面有很多藍莓，口感濕潤鬆軟，充滿藍莓香 ～～ 餐飲梗係揀用半價升級杯最受歡迎嘅拉花咖啡。山政小山園「焦」焙茶鮮奶咖啡 +HK$22.5杯咖啡好靚 ～～仲有兩隻貓貓 ～～超吸睛又好打卡，真係靚到唔捨得飲 ～～ Bougel Cafe & Bakery香港 新界 屯門 鄉事會路 安定邨 H.A.N.D.S. 商場 A 區地下 A-126 號舖（麥當勞隔離）** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡cheungester@gmail.com ! 如發現未經授權使用，本人將保留一切追究權利 ! 多謝合作 !歡迎與我聯絡 → cheungester@gmail.com (Ester Cheung)Instagram│OpenriceUBlog│BlogSpot│ BeautyLife│SheBlog│SeeWide│GirLab
