【2024 年 4 月】兩日一夜嘅西貢小旅行第二日行程 ... 西貢外海小島遊係西貢渡假風酒店 WM Hotel staycation 後食完好豐富嘅自助早餐就去了西貢碼頭買船票去想去好耐嘅鹽田梓 ~~ 碼頭很多來回西貢各小島街渡服務我哋買咗即日來回西貢和鹽田梓船票 (每人 HK$50)溫馨提示：島上幾乎全部都是郊外活動，記得做好防曬和驅蚊措施 從西貢碼頭坐街渡至鹽田梓約 15 分船程 鹽田梓又名鹽田仔有近三百年歷史嘅西貢小島可以參觀香港碩果僅存嘅鹽田鹽田梓博物館和文物陳列室、聖若瑟堂、玉帶橋等仲可以食埋鹽田梓村民自製，大半天就能走完 ~~ 路線：西貢碼頭 → 鹽田梓碼頭 → 鹽光保育中心 → 鹽田 → 玉帶橋 → 聖若瑟神父故居 → 活泉井 → 鹽田梓文物陳列室→ 聖若瑟小堂 → 鄉誼茶座 首先到碼頭附近 ... 鹽光保育中心 了解鹽田梓歷史和參考遊覽路線 仲可以買到鹽田梓鹽田製造嘅鹽、肥皂等手信喜歡儲印章嘅記得蓋返個鹽田梓村紀念印章 ~~ 鹽田梓鹽場要留意接待時段和逢星期一休息入場要收 HK$20 用作保育用途 場內有工作人員講解鹽田歷史和製鹽程序 ...點擊圖片放大 玉帶橋 建於 50 年代初動員全村人力物力建造連接滘西洲嘅橋樑 聖若瑟神父故居點擊圖片放大 +3 活泉井 有三百歲嘅活泉井，也是香港最後嘅一口供水井以前村民飲用和洗滌用水都係來自呢個水井 鹽田梓文物陳列室 聖若瑟小堂 由於鹽田梓村全村村民都信奉天主教，又稱為『教友村』逾百年歷史嘅聖約瑟小堂建於 1890 年 羅馬式建築，設計簡約內部設有聖所、兩列木製跪座、祭台、祭台十字架 聖約瑟小堂也是香港保存最妥善嘅鄉村教堂2005 年獲得「聯合國教科文組織」亞太區「文化遺產保護優異奬」2011 年更被列為香港二級歷史建築 由於村民相繼搬離，到處都是荒廢古舊建築 ... 鄉誼茶座 最後到鄉誼茶座食鹽田梓村民自製客家茶粿和豆腐花 客家茶粿有 6 款口味南瓜、紫心蕃薯、雞屎藤、杏仁、艾草和斑蘭儍媽揀了 (黑色) 雞屎藤茶粿，裡面是花生芝麻餡口感柔糯，皮薄餡多 ~~ 休息完就去碼頭坐船返西貢囉 ~~ ** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡cheungester@gmail.com ! 如發現未經授權使用，本人將保留一切追究權利 ! 多謝合作 !歡迎與我聯絡 → cheungester@gmail.com (Ester Cheung)Instagram│OpenriceUBlog│BlogSpot│ BeautyLife│SheBlog│SeeWide│GirLab
