; 見到報道講屹立土瓜灣 40 多年嘅哥登堡餐廳租約期滿即將告別土瓜灣今年佢地嘅最後一次聖誕大餐應該好多人 ...我就唔湊熱鬧啦 ~~ 作為土瓜灣街坊平時都鍾意嚟開餐 ~~我就唔鍾意同人迫 ~~通常下午茶時間嚟嘆番個 late lunch 干炒牛河、星洲炒米、炒貴刁 ...儍媽最鍾意就是呢個用鐵板上嘅 ... 黑椒牛柳絲炒麵配埋餐湯和飲品都係 HK$60 (午餐)凍飲和特飲 (椰汁紅豆冰/花旗蔘蜜/涼粉雜果冰) 都唔需額外加錢 不過自從張貼咗張結業告示之後多咗食客 ...平日都冇咗下午茶餐 ...黑椒牛柳粒炒麵冇咗個鐵板，改用碟上 ...好彩水準仍然 keep 得住，仍然咁大碟抵食，價錢也冇變 ... 仲有 ... 黑椒牛扒配意粉 (HK$60 午餐)有兩大塊薄牛扒配黑椒汁好惹味意粉加蒜蓉和茄汁炒過，一點都唔 hea ~~ 晚餐就鍾意點番份 ... 鐵板什扒餐呢個什扒餐就啱哂咩都想食嘅儍媽有豬扒、牛扒、雞翼、腸仔、煙肉，仲有隻煎蛋跟配埋餐包、餐湯、飲品和甜品，超豐富 ~~ 餐湯可以揀羅宋湯或忌廉湯儍媽就鍾意羅宋湯，裡面很多蔬菜味道酸中帶辣，開胃好飲 ~~ 甜品嘅懷舊啫喱好搶手架 ~~係青檸口味啫喱，用懷舊風味嘅金屬甜品杯裝住好有懷舊 feel，係回憶的味道 ~~ 裝潢是懷舊風味嘅港式餐廳設計 昏暗燈光和皮製沙發卡座 ... 門口嘅西式拱門和紅色霓虹燈『Welcome』和『Thank You』 租約期滿，餐廳營業將至今年三月尾快啲安排個時間去食番個鐵板餐啦 ~~ 哥登堡餐廳香港 九龍 土瓜灣 馬頭圍道 440 號 地下 ** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡cheungester@gmail.com ! 如發現未經授權使用，本人將保留一切追究權利 ! 多謝合作 !歡迎與我聯絡 → cheungester@gmail.com (Ester Cheung)Instagram│OpenriceUBlog│BlogSpot│ BeautyLife│SheBlog│SeeWide│GirLab
