去到日本最鍾意逛便利店，也是我哋每日必到景點 ~~但是今次大阪之旅，無論飯糰、飲料、甜品 ...似乎無咩驚喜 ...反而最後嗰日臨上機係關西空港 LAWSON 快手掃飯糰和可樂餅有番啲驚喜喎 。牛肉可樂餅雖然凍咗，入口唔會油淋淋，仲好香脆內餡很足料，很多牛肉，咬落去滿滿牛肉香唔似一般可樂餅咁薯蓉成份居多 儍爸。燒牛肉飯糰儍媽。阿波尾雞五目飯糰 (阿波尾鶏の鶏五目おにぎり) 149YEN飯糰混入香菇、紅蘿蔔、牛蒡、阿波尾雞和醬油，又香又好食 ~~ 最後食埋甜品 ... Lawson X Godiva 聯名嘅朱古力曲奇喝番支 Tully's 薑檬蜜滋潤一下 ~~ 又係關西空港 LAWSON 不過是剛到埗買嘅炭火燒牛小排飯糰 (金しゃりおにぎり 炭火焼牛カルビ) 235YEN飯糰裡面包著沾滿滿甜甜烤肉醬嘅炭烤牛小排配杯猿田彥珈琲 mocha 和無敵海景，特別好食 ~~ 又係 LAWSON 嘅飯糰 ... 。牛油醬油扇貝飯糰 (258YEN)用咗青森陸奧灣產扇貝，配上牛油和醬油，鮮甜美味 ~~ 買得最多嘅係呢款 ... MINTIA +VOICE 聲優公認 檸檬生薑喉糖 232yen 與日本聲優工作室共同研發嘅喉糖含有廣受日本聲優(配音員)歡迎嘅成份 → 桔梗濃縮液、維他命C和蜂膠仲加入了檸檬、生薑和薄荷一打開就聞到淡淡蜂蜜和檸檬香味入口是清爽酸甜嘅檸檬薑味，溫和嘅清涼感讓喉嚨很舒服所以儍媽就掃咗啲返嚟自用和送朋友 ~~除了便利店、藥妝和 Donki 都買到架 ~~ 呢盒『烤牛內臟』在大阪車站一間頗大嘅 7 仔買到 ~~店內有很多日本手信、甜品和冷凍食品 ...儍爸就被冷凍櫃嘅叮叮食物吸引咗 ...有鹽醬牛舌、炒牛雜、芝士炒年糕 ... 最後揀了呢盒 ... 烤牛內臟 (牛ホルモン焼) 321yen / 100g返到酒店用微波爐 600W 叮 1 分 40 秒就食得裡面全部都係牛腸，肥美又夠入味，份量都幾多醬汁是用味噌、醬油、薑和蒜調味味道甜甜嘅好好食，非常適合作為下酒小食而唔飲酒嘅儍爸就配番杯可樂 ~~儍媽見到盒底嘅醬汁就想來碗白飯/麵，撈埋啲汁食就正喇 ~~ 。。。。。。。。。。。。。。。。。。。。。。。。。。。。。。。。。。【2024-02 日本 關西 8 天自由行】情人節限定 ♥ 相機。錄音帶。錄音機。電話 ♥ 全部都係朱古力日本自動販賣機 ♥ 暖笠笠。罐裝 蟹雜炊 ♥ 暖手暖面又暖胃日本麥當勞早餐限定 ♥ 楓糖鬆餅漢堡 McGriddles。迷你班戟 Happy SetBay Shuttle 海上高速船 ♥ 關西機場往返神戶 ♥ 限定優惠 500yen大阪市中心。阿波座│冬季限定。海邊小屋炭火燒蠔 ♥ かき小屋本舗 牡蠣舟兵庫縣。寶塚市│食記 ♥ 在地人推介活貝店。品嚐即撈即燒海鮮 + 啖啖肉香住蟹塔。。。。。。。。。。。。。。。。。。。。。。。。。。。。。。。。。。** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡cheungester@gmail.com ! 如發現未經授權使用，本人將保留一切追究權利 ! 多謝合作 !歡迎與我聯絡 → cheungester@gmail.com (Ester Cheung)Instagram│OpenriceUBlog│BlogSpot│ BeautyLife│SheBlog│SeeWide│GirLab
