【2024 年 2 月】一落機去酒店 check-in 放低行李後即刻去食愛吃嘅燒海鮮 ~~呢間燒海鮮店又係碌 IG 嘅時候被當地人係店內即撈即燒嘅影片吸引而來 點知去到見到店面貼了張『暫時停業』告示 ...好彩上網搵到附近有另一間分店由門戶漁港店嘅『門戶厄神駅』搭3個站到小林漁港店『小林駅』大約 15 分鐘 ~~ 如果直接由神戶 三宮過來的話大約 30 分鐘從『阪急今津線。小林駅』行 4 分鐘就到 ↓卸直売＆バーベキュー 活 貝センター (小林店)〒665-0034 日本 兵庫縣 宝塚市 小林 2 丁目 12-25 プレジデント1F官方網頁：http://katsu-kaicenter.com/ 店舖位於 B1 (不在路面) 見到呢個指示牌行落一層樓梯就到啦 ~~ 店面不大，有點似日式居酒屋左邊是裝著各種海鮮嘅水缸右邊是吧檯，最裡面有 2-3 張 6-8 人枱 卸直売＆バーベキュー 活 貝センター 店內海鮮由全國各地漁港和批發商直送可以現撈現燒，比較新鮮和抵食 ~~ 水缸裡面有各種海鮮 ...貝類係店家主打，所以大部份都係貝類 ... 現在係盛產蠔嘅季節，梗係有蠔喇 ...而本地兵庫縣產蠔好抵食呀 ~~室津蠔 98yen / 隻、赤穗蠔 119yen / 隻咋 採用自助形式 ...先到水缸揀選想食嘅海鮮之後到自助區拎餐具、較剪、水 ...店員清洗乾淨海鮮後，就可以動手燒囉 ~~ 我哋點了 ...。兵庫縣 室津蠔 。兵庫縣 赤穗蠔 。北海道 活北寄貝 。北海道 蜆。蠑螺。海蝦 北海道 活北寄貝大隻又飽滿，好鮮甜 梅酒 300yen 好抵飲原來是一小瓶，加冰後有兩杯份量架 ~~ 兩個蟹痴見到香住蟹即刻心心眼 ~~又點了份當店名物 ... 香住蟹塔 (4,600yen) 原來咁大份，全部都係已經剝好殼嘅蟹肉呀 ~~有蟹腳 100g + 蟹身100g + 蟹鉗 150g + 味噌蟹膏 50g 兵庫縣香住港新鮮捕獲嘅香住蟹，特別鮮甜咁多隻蟹鉗應該不只一隻蟹 ...啖啖肉咁放入口，超滿足 ~~ 蟹膏味噌味道甘香鮮美，香濃不鹹，拌飯一流 ~~ 仲點咗份 ... 拖羅 1,380yen 。。。。。。。。。。。。。。。。。。。。。。。。。。。。。。。。。。【2024-02 日本 關西 8 天自由行】情人節限定 ♥ 相機。錄音帶。錄音機。電話 ♥ 全部都係朱古力日本自動販賣機 ♥ 暖笠笠。罐裝 蟹雜炊 ♥ 暖手暖面又暖胃日本麥當勞早餐限定 ♥ 楓糖鬆餅漢堡 McGriddles。迷你班戟 Happy SetBay Shuttle 海上高速船 ♥ 關西機場往返神戶 ♥ 限定優惠 500yen阿波座│大阪市中心。冬季限定。海邊小屋炭火燒蠔 ♥ かき小屋本舗 牡蠣舟。。。。。。。。。。。。。。。。。。。。。。。。。。。。。。。。。。** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡cheungester@gmail.com ! 如發現未經授權使用，本人將保留一切追究權利 ! 多謝合作 !歡迎與我聯絡 → cheungester@gmail.com (Ester Cheung)Instagram│OpenriceUBlog│BlogSpot│ BeautyLife│SheBlog│SeeWide│GirLab
