【2023 年 9 月】本來諗住去 bookmark 咗嘅無敵家食拉麵但是離遠見到條人龍已經調頭 ...去返啱啱路過見到嘅『元祖めんたい煮こみつけ麺』 『元祖明太煮沾麵』在商業大廈嘅二樓地方很大,座位也多,採用溫厚木質裝潢不似一般日式拉麵店,店內明亮寬闊,環境舒適 牆上貼滿媒體報道和明星簽名 ~~ 原來元祖明太煮沾麵是來自福岡博多 ~~ 店內只賣一款食物 ... 明太煮沾麵可以單點或配白飯 / 甜品嘅套餐想食得豐富啲仲可以加配半熟蛋或豚肉 入坐前先根據自己食量選擇麵量嘅木牌100g 小盛 / 200g 中盛 / 300g 大盛 / 400g 特盛落單時將木牌交比店員就可以啦 ~~單點的話 100g-300g 大中小盛都係同價 1,430yen400g 特盛就貴啲 1,710yen套餐揀 100g-400g 麵量都係同價 1,710yen 儍爸。明太煮沾麵 (單點) (200g 中盛) 1,430yen儍媽。明太煮沾麵甜點套餐 (200g 中盛) 1,740yen另加。醬燒豚肉 290yen 麵條可以揀冷麵或熱湯麵我哋都揀咗冷麵,麵條較粗帶有嚼勁 沾醬使用博多名產明太子再配上飛魚和昆布製作嘅上湯與蕃茄、香菇和十多種蔬菜一起熬煮成濃厚嘅沾醬並貼心以鑄鐵鍋盛裝,可以保持沾醬溫度 很明顯睇到沾醬上面一粒粒明太子首先不要攪拌,將麵條就咁沾醬嚐一口原味冷麵沾滿醬汁後,入口順滑,味道濃厚 之後拌勻沾醬,讓特調魚粉融入沾醬中再品嚐喜歡吃辣也可以加點辣醬 ~~ 最後剩下嘅沾醬別浪費,仲有很多明太子架 ...可以加入枱上湯壼中嘅清湯 ... 將重口味嘅沾醬調成清爽嘅明太子湯 ~~ 拉麵店通常奉上免費冰水店內提供以南非國寶茶為基底,配合多種茶葉調製而成嘅特調茶清爽茶味可以消消膩 ~~ 最後就是甜品 ... 能喝的布丁 雖然叫『能喝的布丁』但也未到能夠飲嘅程度布丁入口軟滑,味道很濃郁上面鋪滿一粒粒Q彈嘅焦糖果凍,增加口感層次 ~~ 元祖めんたい煮こみつけ麺日本 東京都 豊島區 南池袋 1-21-5 二樓https://mentaitsukemen.com/ 。。。。。。。。。。。。。。。。。。。。。。。。。。。。。。。。。。。。。。。。。【2023-09 日本 東京 6 天自由行】日本美食篇 ♥ Starbucks 夏季限定 ♥ 清爽消暑 GABURI 西瓜星冰樂日本美食篇 ♥ Seventeen Ice 溫州蜜柑冰沙日本便利店。美食篇 ♥ 漢堡扒壽司飯糰 ♥ 麵屋一燈監修柚子香豚肉飯糰 ♥ 可麗露 ♥ 瑪德蓮日本便利店。美食篇 ♥ 布甸控必試。層次豐富。焦糖布甸蛋糕芭菲杯日本便利店。美食篇 ♥ Ohayo Creme Brulee 焦糖布甸雪糕日本超市。好好買 ♥ 日本輕井澤世界級大賞咖啡。丸山咖啡西日暮里。美食 ♥ 谷中銀座商店街。蕃薯專門店『蜜芋研究所』食個蕃薯刨冰上野。美食 ♥ 焙茶生朱古力芭菲。紅豆白玉 ♥ nana's green tea 上野マルイ店池袋 SunShine City ♥ 蠟筆小新電影周邊專賣店 The Movie Official Store 池袋 SunShine City ♥ 有三千部扭蛋機 Bandai Namco Cross Store池袋 SunShine City ♥ 日本橡子共和國限定。超可愛貓巴士戒指扭蛋池袋 SunShine City│美食 ♥ Kimura Coffee 食件蛋糕。嘆杯靚咖啡 ♥ 木村咖啡店 直營焙煎所。。。。。。。。。。。。。。。。。。。。。。。。。。。。。。。。。。。。。。。。。** 以上分享是以我的口味、體質和情況作出分享及感受,一試 / 合用與否請自行決定** 本網誌內所有文章和圖片均屬本人所有,歡迎參觀。圖文如欲轉載,請先聯絡cheungester@gmail.com ! 如發現未經授權使用,本人將保留一切追究權利 ! 多謝合作 !歡迎與我聯絡 → cheungester@gmail.com (Ester Cheung)Instagram│Openrice│BlogSpot│UBlogBeautyLife│SheBlog│Weshare│SeeWide│GirLab│Girlssss