原來一直想試嘅 JOMO 招牌戚風蛋糕 係尖沙咀海港城有 Pop Up Store 唔使去將軍澳都食到啦 ~~ 係尖沙咀 shopping 完 順便揀幾件戚風蛋糕返去與三隻大小魔怪慢慢嘆 ~~ JOMO 戚風蛋糕有六款口味 ... 伯爵茶、黑芝麻、開心果、熱情果、柚子及紅莓 採用天然食材和低糖配方，啱哂注重健康嘅甜品控 ~~ 儍媽揀咗四件戚風蛋糕，一人一件唔使爭 ~~ 揀好口味之後 店員會為蛋糕淋上軟滑忌廉和乾花 / 果醬 賣相美美，好打卡又好食 ~~ 蛋糕軟綿濕潤，口感超鬆軟 加上軟滑忌廉，入口輕盈順滑不甜膩 ~~ 儍爸 ● 伯爵茶戚風 Earl Grey Chiffon 帶著濃濃佛手柑香氣，是 JOMO 熱銷榜 NO.1 嘅招牌戚風蛋糕 ~~ 儍媽 ● 開心果戚風 Pistachio Chiffon 蛋糕裡面佈滿開心果粒，口感很豐富 ~~ 囡囡 ● 熱情果戚風 Passionfruit Chiffon 面層加了熱情果醬，酸酸甜甜好清爽 ~~ 囝囝 ● 黑芝麻戚風 Black Sesame Chiffon 面層有杞子和桂花作點綴 黑芝麻戚風配上芝麻忌廉，黑芝麻味道很突出 除了單件戚風，也有卷蛋、巴斯克焦香芝士蛋糕 仲可以訂購原個戚風蛋糕 想食就快啲去海港城睇睇~~ ~~ JOMO 期間限定店 ~~ 日期：現在至6月14日 (中午12時 - 下午9時) 地點：尖沙咀 海港城 港威商場 3 樓 Kiosk 15C (Level 3 City Super 行去中港城方向電梯位) 以上分享是以我的口味、體質和情況作出分享及感受，一試 / 合用與否請自行決定
