上兩個星期日 ... 逛完旺角無所事事 ...就散步去何文田嘅嘉多娜餅店碰吓運氣睇吓買唔買到人氣法式布甸包 ...4PM 去到見唔到有布甸包 ...但一場嚟到無理由空手而回架就揀了個咸豬仔包、椰檳和麻糬3Q餅點知排隊比錢果陣比儍爸係玻璃櫃見到仲有一個布甸包問吓店員 ... 原來收銀處仲有幾個原味,梗係即刻買番兩個喇 ~~ 行去搭車途中見到間半路咖啡好自然咁又入咗去嘆杯啡喇 ~~ 儍媽嘅 ... Flat White (HK$45)就係為了呢套萬壽無疆杯碟而入嚟 ~~見到呢套杯碟就諗起小時候嫲嫲用嘅茶具和餐具除了咖啡的味道,仲增添多份親切感和懷念的味道 ~~ 儍爸嘅 ... Espresso Tonic (HK$55)點擊圖片放大 半路咖啡 Halfway Coffee香港 九龍 何文田 梭椏道4號 榮英大廈 地舖 返至屋企無食得落 ...就將個法式布甸包放入雪櫃當宵夜食 ~~食之前放入焗爐烘幾分鐘外面法式麵包烘至暖暖地,少少脆裡面嘅布甸香甜嫩滑,HK$15 相當抵食 ~~ 麻糬3Q餅 (HK$10)芝麻酥皮包著肉鬆、麻糬、紅豆蓉和咸蛋黃餡料非常豐富,令我想起多年前在宜蘭食嘅 3Q 餅現在唔使飛台灣都食到喇 ~~嘉多娜餅店。何文田店香港 九龍 窩打老道69號C2舖 (培正小學對面) ** 以上分享是以我的口味、體質和情況作出分享及感受,一試 / 合用與否請自行決定** 本網誌內所有文章和圖片均屬本人所有,歡迎參觀。圖文如欲轉載,請先聯絡cheungester@gmail.com ! 如發現未經授權使用,本人將保留一切追究權利 ! 多謝合作 !歡迎與我聯絡 → cheungester@gmail.com (Ester Cheung)Instagram│Openrice│BlogSpot│UBlogBeautyLife│SheBlog│Weshare│SeeWide│GirLab│Girlssss