香口鬆脆的炸雲吞是我家飲茶必食的點心但是一客只得三隻，每次都有一位成員無得食 ...現在自己做，想食幾多做幾多，咁就唔洗爭喇 !!! 氣炸雲吞 ~ 食譜食材：春卷皮 8 片急凍蝦 8 隻麵粉漿：麵粉 1 湯匙水 2 茶匙甜酸汁：白醋 1 茶匙糖 1 茶匙茄汁 1 茶匙水 1 茶匙 做法：1. 急凍蝦洗淨，吸乾水份，用鹽、胡椒粉和酒調味 2. 春卷皮放蝦，對摺，捏成雲吞，以麵粉漿黏實** 春卷皮有分底面的，光滑那邊是面，底那邊較粗糙，面向外炸出來才有光澤和好看 3. 放入氣炸鍋，噴油，用 180 度氣炸 5 分鐘，再用 200 度氣炸 3 分鐘 炸雲吞當然要配埋個甜酸汁，我比較懶就咁 ... 將白醋、糖、茄汁和水拌勻** 如果覺得個甜酸汁太稀，可以加熱煮至適合自己味道和濃稠度即可 ** 以上分享是以我的口味、喜好和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !
