下個月就是母親節喇 !!!諗到點與媽媽慶祝未呢 ?! ?! ?!不妨親自下廚煮番餐孝敬媽媽再加埋個滋潤養顏的甜品就完美喇 !!! 雖然冰花燉蛋的食材和做法簡單但是每一口充滿濃濃蛋香和清甜嫩滑的燉蛋媽媽一定甜到入心 ~~ 除了熱食，也可待涼後放進雪櫃雪凍食 ~~可以做多幾個比媽媽慢慢品嚐 ~~ 冰花燉蛋 ~ 食譜食材：(約 3 碗份量)雞蛋 ... 4 隻冰糖 ... 70 g室溫水 ... 400 ml做法：1. 冰糖加水煮溶，待涼備用 (也可以好似儍媽咁愉懶，將冰糖加熱水攪至溶化) 2. 雞蛋打發，然後加入已放涼的冰糖水 (1) 拌勻 3. 用隔篩將蛋液過濾，再用匙隔走蛋液上面的泡沫 (隔走粗身的蛋白和泡沫，燉蛋才夠滑) 4. 將蛋液倒入碗內，蓋上錫紙，用大火蒸 5 分鐘後熄火，(切勿打開蓋) 繼續焗 15 分鐘就食得* 可以用竹籤插入測試，如果冇蛋漿黏住代表已夠熟 ** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !My Contact : cheungester@gmail.com (Ester Cheung)Instagram│Openrice│BlogSpot│UBlogSheBlog│BeautyExchange│BeautyQooza│WeshareSeeWide│GirLab│Girlssss│BeautyLife
