到了秋天，也到了大閘蟹季節喇 !!!儍媽一家都是蟹痴，超喜歡食蟹，當然要一嚐美味的大閘蟹 ... 周末就買了幾隻大閘蟹回家自己煮來食 ...買蟹附送了蒸蟹的紫蘇葉、食蟹點的蟹醋、還有煮薑茶的赤糖 ... 如果有埋薑就好喇 ! 儍媽覺得最簡單和最佳的食法是清蒸大閘蟹，才能食到它的原汁原味 蒸大閘蟹和其它蟹的方法冇咩分別只是要加塊紫蘇葉一起蒸以驅寒 (有人話將紫蘇葉放在水中，亦有人話放在蟹底)儍媽覺得最穏陣就是水中和蟹底都放塊紫蘇葉，反正每次店家都比的紫蘇葉都蠻多清蒸大閘蟹 ~ 煮法1. 用牙刷清洗一下大閘蟹 (記住不好解開或弄鬆紮住大閘蟹的繩或草)2. 水滾後放紫蘇葉在水中，碟底再放紫蘇葉，蟹肚向上隔水蒸 20 分鐘就食得** 蒸大閘蟹時記住將蟹肚向上原隻清蒸，否則蟹膏會在蒸煮過程中流走 ** 今次店家送的蟹醋味道不錯，不需要自己添加糖和醬油，倒出來就可以囉 !不過儍媽鍾意加點薑粒入蟹醋裡面 ~~ 我們較喜歡吃蟹公、蟹公的蟹膏又軟又甘香尤其是當中白色口感黏黏的蟹膏，最香最好食 ~ ~ 最後，記住飲杯驅寒的薑茶 ** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !
