日日煮飯真是諗唔到食咩餸 ...推介大家做這道只需一種食材，幾蚊成本就做到的氣炸豆腐外面金黃，入口外脆裡面滑滑的炸豆腐 ... 係咪好吸引呢 ! 炸好的豆腐可以隨喜好搭配其它醬汁一起食儍媽鍾意加點蔥花和鰹魚汁食得椒的可以配辣醬、食得豪啲可以配 XO 醬加點椒鹽粉就變成椒鹽豆腐囉 !!! 平時會用街市豆腐檔買的豆腐通常去到豆腐檔就咁買一磚『用來煎炸的豆腐』但是疫情關係不方便日日去買餸，就會用雪櫃常備的板豆腐 做炸豆腐最重要是吸乾豆腐的水份 ... 咁就冇咁易散和碎裂可以用重物加壓去除豆腐的水份儍媽會用玻璃食物盒壓著豆腐約 30 分鐘，讓水份自然流出 氣炸豆腐 ~ 氣炸鍋食譜食材：板豆腐... 1 磚 / 盒鹽 ... 適量蔥 ... 適量做法：1. 豆腐先加壓出水約 30 分鐘，讓水份流出 2. 豆腐出水後，抺乾水份，切成小塊灑少少鹽，噴油 3. 放入氣炸鍋用 180 度氣炸 12 分鐘，反轉 200 度再氣炸 8 分鐘** 可以隨喜好加蔥花、鰹魚汁、辣醬、XO 醬、椒鹽粉一起食 ** 以上分享是以我的口味、喜好和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !
