食日本菜好多時候都會點份鹽燒三文魚頭在餐廳食唔平架 ...自己動手做就划算好多，材料簡單又易做大大個三文魚頭連魚鮫都只是 HK$20用鹽和胡椒粉醃好，氣炸之後就食得喇 !!! 三文魚的油脂豐富，一滴油都無用，氣炸時迫出本身的油份氣炸後的三文魚皮微焦，入口香脆，魚鮫的肉質肥美滑嫩 儍媽與囡囡都愛啃魚骨，加上家中的氣炸鍋較大一次過煮兩個三文魚頭就唔會爭食囉 !!! 鹽燒三文魚頭 ~ 氣炸鍋食譜食材：三文魚頭 ... 1 個鹽 ... 2 茶匙胡椒粉 ... 適量料理酒 ... 適量 做法：1. 三文魚頭去鰓、洗淨、抹乾水份2. 將鹽、胡椒粉和料理酒均勻塗抹三文魚頭內外，醃 30 分鐘3. 放入氣炸鍋用 200 度氣炸 12 分鐘，反轉 200 度再氣炸 5 分鐘就食得囉 !!! ** 以上分享是以我的口味、喜好和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !
