紅菜頭營養豐富，是健康有益的超級食物有補血、防癌、降血壓、通便排毒、抗氧化等功效在街市見到幾靚就買了個返嚟煲湯儍媽買了一個連莖葉的紅菜頭 HK$10用隻咸豬手加粟米和紅蘿蔔先煲啖湯，之後再拎隻咸豬手去氣炸咁就同時有湯飲 有菜食 又有肉食喇 ! 整個紅菜頭連埋莖葉都很有益的記住將莖和葉都放哂落去煲湯呀 !煲出來的湯味道清甜，很啱現在悶熱的天氣飲用除了飲湯，仲要連湯渣都食埋 紅菜頭粟米紅蘿蔔湯 ~ 食譜食材：紅菜頭 ... 1 個粟米 ... 1 個紅蘿蔔 ... 1 個咸豬手 ... 1 隻薑 ... 1 片做法：1. 咸豬手洗乾淨，用滾水飛水後，撈起豬手2. 煲滾水後加入豬手和已切件的紅菜頭、粟米、紅蘿蔔、薑片3. 大火煮滾後繼續煮 15 分鐘，將湯放入真空鍋中 1 小時 (或用明火慢火煮 30 分鐘) ，撈起豬手4. 湯放回真空鍋中，2 小時後就飲得 (如果用明火，可以轉慢火繼續煲多 1 小時)** 咸豬手本身已有咸味，儍媽覺得煲出來的湯唔需加鹽調味也夠哂味* * 煲完湯的咸豬手可以瀝乾水，用來整氣炸豬手 可以參考儍媽之前的食譜 ↓ 【氣炸鍋料理】咸豬手兩食 ♥ 先煲湯。後氣炸 ♥ 有湯飲又有脆皮豬手食〈附食譜〉 → https://estercheung.blogspot.com/2020/05/blog-post_14.html** 以上分享是以我的口味、喜好和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !
