儍爸話想食韓式年糕 ... 咁啱雪櫃有大半罐午餐肉、蟹柳、香腸 ... 就做個韓式部隊鍋喇 ! 由於呢三隻魔怪唔食辣，所以湯底唔用得韓式辣醬 ... 本來諗住用清湯做湯底，但見雪櫃有盒韓式大醬 ... 一於做個好有韓式風味的大醬部隊鍋 其實我每次做部隊鍋的時候都好隨意 雪櫃有咩食材或者想食咩就放啲入去 ... 不辣版。大醬部隊鍋 ~ 食譜 食材： 韓式年糕 ... 500g 豆腐 ... 1 磚 午餐肉 ... 半 罐 娃娃菜 ... 1 包 香腸 ... 4 條 蟹柳 ... 4 條 金菇 ... 1 包 豬腩片 ... 1 包 八爪魚粒 ... 1 包 韓式大醬 ... 1.5 湯匙 水 (或清湯) ... 適量 做法： 1. 韓式年糕用水沖一沖，避免年糕黏在一起 2. 娃娃菜洗淨後鋪在鍋底，再放韓式年糕 ** 先放菜後放年糕可以避免年糕黏在鍋底 3. 按喜好放上食材 ... 豆腐、午餐肉、香腸、蟹柳、金菇、豬腩片、八爪魚粒 4. 最後放上韓式大醬，再加水煮滾就食得囉 !!! ** 再配上韓式泡麵就完美喇 ! 不過屋企的韓式泡麵食哂，配印尼撈麵都一樣咁好食 ~ ** 以上分享是以我的口味、喜好和情況作出分享及感受，一試 / 合用與否請自行決定 ** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !
